Holi Skin Care Tips: મનભરીને રમો રંગોની હોળી પરંતુ પહેલા સ્કિનને આ રીતે કરી લો પ્રોટેક્ટ
Holi Skin Care Tips: હોળીના તહેવારને હવે ગણતરીના દિવસો જ બાકી રહ્યાં છે ત્યારે રંગોની હોળીરમતા પહેલા સ્કિન કેર ટિપ્સ જાણી લેવી જરૂરી છે નહિતો રંગો આપની સ્કિનને નુકસાન કરી શકે છે.
Holi Skin Care Tips: 13 માર્ચે હોળી અને 14 માર્ચે ધૂળેટી છે. આ અવસરે રંગોની હોળી રમતા પહેલા આ સ્કિન કેરની ટિપ્સ જાણી લો. હોળીના તહેવારને હવે ગણતરીના દિવસો બાકી રહ્યાં છે ત્યારે અત્યારથી તૈયારીઓ શરૂ થઈ ગઈ છે. ઘરમાં ગુજીયા અને લાડુ સહિતની મીઠાઇ બની રહી છે. બજારો પણ રંગોથી સજ્જ જોવા મળી રહ્યાં છે. હોલિકા દહન બાદ રંગોત્સવી ઘૂળેટીની લોકો અતિઉત્સાહથી ઉજવણી કરે છે. પરંતુ રંગોમાં તરબોળ થતાં પહેલા સ્કિનનું કેવી રીતે ધ્યાન રાખશો જેથી સ્કિનની સુંદરતા રંગોના કારણે ડેમેજ ન થાય. જાણીએ રંગોમાં રંગાતા પહેલા આપની સ્કિનને કલર પ્રૂફ કેવી રીતે બનાવીશું.
સનસ્ક્રીન લગાવો
જો તમે હોળી રમવા જઈ રહ્યા હોવ તો ધ્યાન રાખો કે ત્વચા પર રંગ લગાવતા પહેલા તમારે 50 SPF વાળું સનસ્ક્રીન લગાવવું જ જોઈએ. તેને લગાવવાથી ત્વચા પર એક રક્ષણાત્મક સ્તર બને છે. જેના કારણે તમારી ત્વચાને રંગોની હાનિકારક અસરોથી રક્ષણ મળી શકશે.
પ્રવાહીનું સેવન વધારવું
રંગમાં કેમિકલ્સ હોય છે, આવી સ્થિતિમાં જ્યારે તેને ચહેરા પર લગાવવામાં આવે છે ત્યારે ત્વચા વધુ શુષ્ક થઈ જાય છે. તેનાથી બચવા માટે હોળીના થોડા દિવસો પહેલા પ્રવાહીનું સેવન વધારવું. આનાથી ત્વચા હેલ્ધી રહેશે, સાથે જ હાઇડ્રેટ પણ રહેશે. તમે દહીં, રસદાર ફળો, છાશ અથવા ગમે તે ફળોનું જ્યુસનું સેવન પણ કરી શકો છો.
આઇસ ક્યુબ વડે મસાજ કરો
રંગો રમતા પહેલા સ્કિન પર આઈસ ક્યુબ ઘસો તેનાથી રોમછિદ્રો બંધ થઈ જાય છે અને જ્યારે તમે હોળી રમો છો ત્યારે તે તમારી ત્વચામાં બેસતા નથી.
ત્વચાને મોઈશ્ચરાઈઝ કરો
હોળી રમતા પહેલા તમારે ત્વચાને મોઈશ્ચરાઈઝ કરવું જોઈએ. કોઈપણ ક્રીમનો ઉપયોગ કરવાને બદલે નારિયેળ તેલ લગાવો. અથવા તો તમે બદામ અને તલનું તેલ લગાવી શકો છો.આ તેલ લગાવવાથી ત્વચામાં ખીલ અને સોજાની સમસ્યા રહેતી નથી.હોળી રમતા પહેલા હાથ,પગ અને ગાલ પર સરસવના તેલથી હળવા હાથે માલિશ કરો, તેનાથી રંગની અસર ઓછી થઈ જશે.
Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો
ટોપ સ્ટોરી
ટ્રેન્ડિંગ સમાચાર
