Corona Vaccine: ગુજરાતમાં કોરોના રસીના કેટલા ડોઝ બરબાદ થયા ? જાણો વિગત

એબીપી અસ્મિતા વેબ ટીમ Updated at: 29 Apr 2021 12:23 PM (IST)

3 લાખ ડોઝ હજુ કેન્દ્ર સરકાર તરફથી મળશે. કેન્દ્રએ અત્યાર સુધીમાં 1 કરોડ 29 લાખ 69 હજાર 330 ડોઝ મોકલ્યા છે. રાજ્યમાં 3.61 ટકા વેક્સિન ડોઝ વેસ્ટ થયા છે.

ફાઈલ તસવીર

અમદાવાદઃ કેન્દ્રના સ્વાસ્થ્ય મંત્રાલયે બુધવારે કહ્યું રે, રાજ્ય અને કેન્દ્ર શાસિત પ્રદેશો પાસે કોરના (Covid-19) રસીના એક કરોડ કરતાં પણ વધારે ડોઝ ઉપલબ્ધ છે અને આગામી ત્રણ દિવસમાં 57,70,000 વધુ રસીના ડોઝ મળશે. મંત્રાલયે કહ્યું કે, કેન્દ્ર સરકારે અત્યાર સુધી રાજ્યો અને કેન્દ્ર શાસિત પ્રદેશો(UT) 16,16,86,140 કોરોના રસીના ડોઝ નિઃશુલ્ક ઉપલબ્ધ કરાવ્યા છે. તેમાંથી ખરાબ થનાર રસીના ડોઝ સહિત કુલ 15,10,77,933 રસીના ડોઝનો વપરાશ થયો છે.

કેન્દ્રિય આરોગ્ય વિભાગે રસીના જાહેર કરેલા આંકડા મુજબ, રાજ્ય પાસે અત્યારે 4,62,988 વેક્સિનેશનના ડોઝ બાકી છે. 3 લાખ ડોઝ હજુ કેન્દ્ર સરકાર તરફથી મળશે. કેન્દ્રએ અત્યાર સુધીમાં 1 કરોડ 29 લાખ 69 હજાર 330 ડોઝ મોકલ્યા છે. રાજ્યમાં 3.61 ટકા વેક્સિન ડોઝ વેસ્ટ થયા છે. એટલે કે સાડા ચાર લાખથી વધારે ડોઝનો બગાડ થયો છે.

સ્વાસ્થ્ય મંત્રાલયના આંકડા અનુસાર રાજ્ય અને કેન્દ્ર શાસિત પ્રદેશો પાસે કોરોના રસીના 1,06,19,892 ડોઝ હાલમાં ઉપલબ્ધ છે. જ્યારે આગામી ત્રણ દિવસમાં વધુ 57 લાખ ડોઝ કેન્દ્ર સરકાર આપશે.

દેશમાં કેટલા લોકોને અપાઈ રસી

દેશમાં 16 જાન્યુઆરીથી રસીકરણ અભિયાન શરૂ થયું હતું. કોરોના દર્દીની સંખ્યા પ્રમાણે જોઈએ તો ભારત વિશ્વનો સૌથી પ્રભાવિત દેશ છે. અત્યાર સુધીમાં 15 કરોડ 20 હજાર 648 ડોઝ આપવામાં આવ્યા છે.

દેશમાં શું છે કોરોનાની સ્થિતિ

સ્વાસ્થ્ય મંત્રાલયના તાજા આંકડા અનુસાર, છેલ્લા 24 કલાકમાં 3,79,257 નવા કોરોનાના કેસ (Corona Cases) આવ્યા અને 3645 લોકોના મોત થયા છે. જોકે 24 કલાકમાં 2,69,507 લોકો ઠીક પણ થયા છે.