ઓસ્ટ્રેલિયામાં 10,000 જંગલી ઊંટને મારવાનો અપાયો આદેશ, કારણ જાણીને તમે ચોંકી જશો

હેલીકોપ્ટરથી કેટલાક પ્રોફેશનલ શૂટર 10,000થી વધારે જંગલી ઊંટોને ઠાર કરશે.

કેનબરાઃ દક્ષિણ ઓસ્ટ્રેલિયામાં પાણીની તંગની કારણે ત્યાં 10,000 જંગલી ઊંટોને મારવાનો આદેશ આપવામાં આવ્યો છે. દક્ષિણ ઓસ્ટ્રેલિયાના અનંતુ પીતજંતજતારા યનકુનિતઝ્ઝર લૈંડ્સ (Anangu Pitjantjatjara Yankunytjatjara lands) એટલે કે APY ના અબૉર્જિનલ નેતાએ બુધવારે આ આદેશ જાહેર કર્યો હતો. તેમના આદેશ પ્રમાણે હેલીકોપ્ટરથી કેટલાક પ્રોફેશનલ શૂટર 10,000થી વધારે જંગલી ઊંટોને ઠાર કરશે.

ડેઈલી મેલના રિપોર્ટ પ્રમાણે, દક્ષિણ ઓસ્ટ્રેલિયાના લોકો સતત ફરિયાદ કરતા હતા કે આ જાનવર પાણીની શોધમાં તેમના ઘરમાં ઘૂસી જાય છે. જે બાદ 10,000 ઊંટોને મારવાનો ફેંસલો લેવાયો હતો. આ જાનવર ગ્લોબલ વોર્મિંગને વધારી રહ્યા છે, કારણકે તેઓ એક વર્ષમાં એક ટન કાર્બન ડાયોકસાઇડના બરાબર મીથેનનું ઉત્સર્જન કરી રહ્યા છે.

APY ના કાર્યકારી બોર્ડના સભ્ય મારિયા બેકરે કહ્યું, અમે જોયું કે ઊંટ ઘરની અંદર ઘૂસી રહ્યા છે અને એરકન્ડીશનરના માધ્યમથી પાણી પીવાની કોશિશ કરી રહ્યા છે. આ ઊંટ વધારે પાણી પીવે છે અને તેથી તેમને મારવાનો ફેંસલો લેવામાં આવ્યો છે. જંગલી ઊંટની વસતી નવ વર્ષમાં બમણી થઈ જાય છે.

કાર્બન ખેતીના વિશેષજ્ઞ અને રેગેનાકો કંપનીના સીઈઓ ટિમ મૂરે કહ્યું, આ જાનવર પ્રતિ વર્ષ એક ટન કાર્બન ડાયોકસાઇડના બરાબર મીથેનનું ઉત્સર્જન કરે છે. જે સડકો પર દોડતી વધારાની 4,00,000 કાર બરાબર છે.