Israel: ઇઝરાયેલની ગાઝા પર તાબડતોડ એરસ્ટ્રાઇક, હમાસના કમાન્ડર સહિત ઓછામાં ઓછા 10ના મોત

ઇઝરાયેલે દેશમાં પણ ‘વિશેષ સ્થિતિ’ની જાહેરાત કરી છે. જ્યાં સીમાથી 80 કિલોમીટરના દાયરામાં તમામ સ્કૂલો બંધ કરી દેવામા આવી છે,

Israel Air Strike: ઇઝરાયેલે (Israel) શુક્રવારે ગાઝા પર એક પછી એક સતત તાબડતોડ હવાઇ હુમલા (Airstrikes) કર્યા હતા, જેમાં હમાસના (Hamas) એક વરિષ્ઠ કમાન્ડર સહિત ઓછામાં ઓછા 10 લોકોના મોત થઇ ગયા છે, અને અન્યે કેટલાક લોકો ઘાયલ થવાના સમાચાર છે. પેલેસ્ટાઇનના અધિકારીઓએ આ જાણકારી આપી છે. ઇઝરાયેલે કહ્યું કે, કબજા વાળા પશ્ચિમી તટ (West Bank)માં આ અઠવાડિયાની શરૂઆતમાં એક વરિષ્ઠ પેલેસ્ટીની વિદ્રોહીની ધરપકડના કારણે વધેલા તણાવની વચ્ચે તેમને શુક્રવારે (Gaza) પર હુમલો કર્યો હતો. 

ઇઝરાયેલે દેશમાં પણ ‘વિશેષ સ્થિતિ’ની જાહેરાત કરી છે. જ્યાં સીમાથી 80 કિલોમીટરના દાયરામાં તમામ સ્કૂલો બંધ કરી દેવામા આવી છે, અને લોકોની અન્ય ગતિવિધિઓ રોકી દેવામાં આવી છે. ઇઝરાયેલ આ અઠવાડિયાની શરૂઆતમાં ગાઝાની આસપાસના રસ્તાઓ બંધ કરી દીધા હતા, અને સીમા પર વધારાના જવાનો મોકલી દીધા હતા. સોમવારે (1 ઓગસ્ટ) કબજા વાળા પશ્ચિમી તટમાં હમાસના એક વરિષ્ઠ સભ્યની ધરપકડ બાદ હુમલાની આશંકાતને ધ્યાનમાં રાખતા ઇઝરાયેલે આવુ કર્યુ હતુ. 

ગાઝામાં શુક્રવારે ઘણા બોમ્બ બ્લાસ્ટના અવાજ સંભળાયા હતા. ઈઝરાયેલી ડ્રોન ગાઝા પટ્ટી પર ઉડી રહ્યાં હતા. દક્ષિણમાં આવેલા ખાન યુનિસ, રાફાહ શહેર પર પણ હવાઈ હુમલા કરાયા હતા. જેનીન શહેરમાંથી વરિષ્ઠ પેલેસ્ટીની નેતા - બાસમ અલ સાદીની ધરપકડ બાદ તણાવ વધી ગયો હતો. હાલ બન્ને દેશો વચ્ચે ફરી એકવાર તણાવ ચરમ પર છે. ઉલ્લેખનીય છે કે, ઇઝરાયેલ અને પેલેસ્ટાઇન વચ્ચે છેલ્લા 15 વર્ષોથી સંઘર્ષ ચાલી રહ્યો છે, આ દરમિયાન બન્ને વચ્ચે ચાર યુદ્ધ અને બીજી કેટલીય નાની મોટી અથડામણો થઇ છે.  

આ પણ વાંચો......