Glenn Maxwell Married: ઓસ્ટ્રેલિયાના આ ધૂરંધર ઓલરાઉન્ડરે કર્યા લગ્ન, સામે આવી આ ખાસ તસવીર
Glenn Maxwell Married: બંનેએ 18 માર્ચે એક ખાનગી સમારંભમાં લગ્ન કર્યા હતા. લગ્ન કરવાની માહિતી કપલની સોશિયલ મીડિયા પોસ્ટ પરથી મળી છે. બંનેએ ઇન્સ્ટાગ્રામ પર લગ્નનો ફોટો શેર કર્યો છે.
Glenn Maxwell Married ઓસ્ટ્રેલિયાના વિસ્ફોટક બેટ્સમેન ગ્લેન મેક્સવેલ લગ્નના બંધનમાં બંધાઈ ગયા છે. તેણે તેની ભારતીય મૂળની ગર્લફ્રેન્ડ વિની રામન સાથે લગ્ન કર્યા છે. બંનેએ 18 માર્ચે એક ખાનગી સમારંભમાં લગ્ન કર્યા હતા. લગ્ન કરવાની માહિતી કપલની સોશિયલ મીડિયા પોસ્ટ પરથી મળી છે. બંનેએ ઇન્સ્ટાગ્રામ પર લગ્નનો ફોટો શેર કર્યો છે.
ફોટામાં પતિ-પત્ની બંને પરંપરા મુજબ 'કિસ' કરતા જોવા મળે છે. આ તસવીરના કેપ્શનમાં લખ્યું છે 'મિસ્ટર એન્ડ મિસિસ મેક્સવેલ'.
View this post on Instagram
આ કપલ 2017 થી એકબીજા સાથે છે. લાંબા સમયથી રિલેશનશિપમાં રહેલા મેક્સવેલ અને વિનીએ ફેબ્રુઆરી 2020માં સગાઈ કરી લીધી હતી. વિન્ની ભલે ભારતીય મૂળની છે, પરંતુ તેનો જન્મ ઓસ્ટ્રેલિયામાં થયો હતો. તે મેલબોર્નમાં રહે છે. તેમનું બાળપણ મેલબોર્નમાં વિત્યું અને તેમનો અભ્યાસ પણ ત્યાંથી જ પૂરો થયો. વિની વ્યવસાયે ફાર્માસિસ્ટ છે.
આ લગ્નને કારણે મેક્સવેલ આઈપીએલની શરૂઆતની મેચોમાં નહીં દેખાય. તે લગ્ન બાદ પોતાના પાર્ટનર સાથે સમય પસાર કરવા માંગે છે. આ જ કારણ છે કે તે 24 વર્ષ બાદ ઓસ્ટ્રેલિયાના પાકિસ્તાન પ્રવાસમાં ગેરહાજર રહ્યો હતો.
IPLની શરૂઆતની મેચોમાં ઉપલબ્ધ ન હોવાના કારણે ગ્લેન મેક્સવેલે RCBની કેપ્ટનશીપ ગુમાવી દીધી છે. વિરાટ કોહલીએ RCBની કેપ્ટનશીપ છોડ્યા બાદ મેક્સવેલ સૌથી મોટો દાવેદાર હતો, પરંતુ તેની સંભવિત ગેરહાજરીને ધ્યાનમાં રાખીને RCBએ ફાફ ડુ પ્લેસિસને તેમના નવા કેપ્ટન તરીકે પસંદ કર્યા છે.
View this post on Instagram
ટોપ સ્ટોરી
ટ્રેન્ડિંગ સમાચાર
