ICC World Cup 2023 Schedule: વર્લ્ડકપનું નવું શિડ્યૂલ જાહેર, ભારત-પાકિસ્તાન સહિત 9 મેચોમાં થયો ફેરફાર

ભારત અને પાકિસ્તાન વચ્ચેની મેચ હવે 15મીને બદલે એક દિવસ પહેલા એટલે કે 14મી ઓક્ટોબરે અમદાવાદના નરેન્દ્ર મોદી ક્રિકેટ સ્ટેડિયમમાં રમાશે

તસવીર (સોશ્યલ મીડિયા પરથી)

Source : Twitter

ICC World Cup 2023 Schedule: આગામી વનડે વર્લ્ડકપ 2023ને લઇને મોટુ અપડેટ સામે આવ્યુ છે. વનડે વર્લ્ડકપ 2023 આ વર્ષે 5 ઓક્ટોબરથી શરૂ થવાનો છે, અને આનું આયોજન આ વખતે ભારત કરશે. આ ટૂર્નામેન્ટની ફાઈનલ મેચ 19 નવેમ્બરે રમાશે. ઇન્ટરનેશનલ ક્રિકેટ કાઉન્સિલ (ICC) એ હવે આનું નવું શિડ્યૂલ જાહેર કર્યું છે. આ અંતર્ગત ભારત-પાકિસ્તાન મેચ સહિત 9 મેચોમાં ફેરફાર કરવામાં આવ્યા છે.

ભારત અને પાકિસ્તાન વચ્ચેની મેચ હવે 15મીને બદલે એક દિવસ પહેલા એટલે કે 14મી ઓક્ટોબરે અમદાવાદના નરેન્દ્ર મોદી ક્રિકેટ સ્ટેડિયમમાં રમાશે. આ સહિત 9 મેચોના શિડ્યૂલમાં ફેરફાર કરવામાં આવ્યા છે.

Nine fixtures have been rescheduled for #CWC23.

Details 👇

— ICC (@ICC) August 9, 2023

-

આઈસીસીએ પાકિસ્તાન ટીમની એક નહીં પરંતુ ત્રણ મેચોના શિડ્યૂલમાં ફેરફાર કર્યો છે. પાકિસ્તાનની ટીમ 15 ઓક્ટોબરે અમદાવાદમાં ભારત સામે તેની મેચ રમવાની હતી, પરંતુ સમાચાર આવ્યા છે કે આ મેચ હવે એક દિવસ પહેલા એટલે કે 14 ઓક્ટોબરે આ જ મેદાન પર યોજાશે.

15 ઓક્ટોબરે નવરાત્રિનો પહેલો દિવસ હશે. આ કારણોસર આ મેચ ફરીથી શિડ્યૂલ કરવામાં આવી છે, પરંતુ આ સાથે 12 ઓક્ટોબરે યોજાનારી પાકિસ્તાન ટીમની અન્ય મેચમાં ફેરફાર કરવામાં આવશે. આ મેચ શ્રીલંકા સામે થવાની છે, જે હવે હૈદરાબાદમાં 12ને બદલે 10 ઓક્ટોબરે રમાશે.

આ ઉપરાંત 12 નવેમ્બરે કોલકાતાના ઈડન ગાર્ડન્સમાં રમાનારી પાકિસ્તાન અને ઈંગ્લેન્ડ વચ્ચેની મેચ એક દિવસ પહેલા એટલે કે 11 નવેમ્બરે આ જ મેદાન પર રમાશે. કાલી પૂજાને કારણે આ મેચમાં ફેરફાર કરવામાં આવ્યો છે.

આ 9 મેચોના શિડ્યૂલમાં થયો ફેરફાર -

- ઇંગ્લેન્ડ Vs બાંગ્લાદેશ: 10 ઓક્ટોબર - સવારે 10.30 વાગ્યાથી
- પાકિસ્તાન Vs શ્રીલંકા: 10 ઓક્ટોબર - બપોરે 2.00 વાગ્યાથી
- ઓસ્ટ્રેલિયા Vs દક્ષિણ આફ્રિકા: 12 ઓક્ટોબર - બપોરે 2.00 વાગ્યાથી
- ન્યૂઝીલેન્ડ Vs બાંગ્લાદેશ: 13 ઓક્ટોબર - બપોરે 2.00 વાગ્યાથી
- ભારત Vs પાકિસ્તાન: 14 ઓક્ટોબર - બપોરે 2.00 વાગ્યાથી
- ઈંગ્લેન્ડ Vs અફઘાનિસ્તાન: 15 ઓક્ટોબર - બપોરે 2.00 વાગ્યાથી
- ઓસ્ટ્રેલિયા Vs બાંગ્લાદેશ: 11 નવેમ્બર - સવારે 10.30 વાગ્યાથી
- ઈંગ્લેન્ડ Vs પાકિસ્તાન: 11 નવેમ્બર - બપોરે 2.00 વાગ્યાથી
- ભારત Vs નેધરલેન્ડ: 12 નવેમ્બર - બપોરે 2.00 વાગ્યાથી