IND vs AUS: ઓસ્ટ્રેલિયાને મોટો ઝટકો, ભારત સામેની સીરીઝ પહેલા જ આ ત્રણ ખેલાડીઓ થયા ટીમની બહાર, જાણો કેમ

ટી20 વર્લ્ડકપ શરૂ થાય તે પહેલા ભારતીયી ટીમ ઓસ્ટ્રેલિયા સામે ટી20 સીરીઝ રમવાની છે, પરંતુ આ પહેલા ક્રિકેટ ફેન્સ માટે ખરાબ સમાચાર સામે આવ્યા છે,

IND vs AUS T20I Series : ટી20 વર્લ્ડકપ શરૂ થાય તે પહેલા ભારતીયી ટીમ ઓસ્ટ્રેલિયા સામે ટી20 સીરીઝ રમવાની છે, પરંતુ આ પહેલા ક્રિકેટ ફેન્સ માટે ખરાબ સમાચાર સામે આવ્યા છે, ઓસ્ટ્રેલિયન ટીમને મોટો ઝટકો લાગ્યો છે. ટીમના ત્રણ ખેલાડીઓ ભારત સામેની સીરીઝ પહેલા જ ટીમની બહાર થયા છે. આ સીરીઝ 20 સપ્ટેમ્બરથી શરૂ થઇ રહી છે. આ તમામ ખેલાડીઓને સામાન્ય ઇન્જરી થઇ છે અને કાંગારુ ક્રિકેટ બોર્ડે તેમના રિપ્લેસમેન્ટની પણ જાહેરાત કરી દીધી છે.

આ ત્રણ ખેલાડીઓ થયા ટીમની બહાર - 
ભારત અને ઓસ્ટ્રેલિયાની વચ્ચે ત્રણ ટી20 મેચોની સીરીઝ પહેલા કાંગારુ ટીમના ત્રણ મેચ વિનર ખેલાડીઓને ઇજા પહોંચી છે. રિપોર્ટ અનુસાર, ફાસ્ટ બૉલર મિશેલ સ્ટાર્ક, માર્કસ સ્ટૉઇનિંસ અને મિશેલ માર્શને ઇજા પહોંચી છે. ઉલ્લેખનીય છે કે આ પહેલી ટીમના સ્ટાર બેટ્સમેન ડેવિડ વૉર્નરને આરામ આપી દેવામાં આવ્યો હતો. હવે આ સીરીઝમાં ભારત સામે ઓસ્ટ્રેલિયાના સ્ટાર ખેલાડીઓ સામેલ નથી.

ઓસ્ટ્રેલિયન બોર્ડે આ ત્રણેયના રિપ્લેસમેન્ટ તરીકે નાથન એલિસ, ડેનિય સેમ્સ અને સીન એબૉટને ટીમમાં સામેલ કર્યા છે. આ ખેલાડીઓની સામાન્ય ઇજા છે, અને કાંગારુ ટીમ ટી20 વર્લ્ડકપને ધ્યાનમાં રાખતા કોઇ જોખમ લેવા માંગતુ નથી. 

ઓસ્ટ્રેલિયાનો ભારત પ્રવાસ - 
20 સપ્ટેમ્બર - પહેલી ટી20, મોહાલી 
23 સપ્ટેમ્બર - બીજી ટી20, નાગપુર
25 સપ્ટેમ્બર - ત્રીજી ટી20, હૈદરાબાદ 

આ પણ વાંચો.........