નવી દિલ્હીઃ ભારતીય ક્રિકેટ ટીમના પૂર્વ કેપ્ટન અને રન મશીન ગણાતા વિરાટ કોહલીએ મેદાન પર તો અનેક ઉપલબ્ધિઓ હાંસલ કરી લીધી છે. પરંતુ હવે મેદાનની બહાર પણ તેના નામે એક પછી એક ઉપલબ્ધિઓ નોંધાઇ રહી છે. વિરાટ કોહલીએ મંગળવારે 13 સપ્ટેમ્બર, 2022એ ટ્વીટર પર એક અનોખી સિદ્ધિ હાંસલ કરી લીધી છે. વિરાટ દુનિયાનો પહેલો એવો ક્રિકેટર બની ગયો છે જેના ટ્વીટર ફોલોઅર્સની સંખ્યા 50 મિલિયનને પાર થઇ ગઇ છે. ભારતમાં હવે તેનુ ત્રીજુ સૌથી મોટુ ટ્વીટર એકાઉન્ટ થઇ ગયુ છે, જેના પર 50 કે 50 મિલિયનથી વધુ ફોલોઅર્સ છે.
જમણેરી બેટ્સમેન વિરાટ કોહલીથી કોઇ ભારતીય ટ્વીટર એકાઉન્ટ પર 50 મિલિયનથી વધુ ફોલોઅર્સ છે, તો તે પ્રધાનમંત્રી કાર્યાલય એટલે કે પીએમઓના ઓફિશિયલ ટ્વીટર એકાઉન્ટ પર છે. પીએમઓના એકાઉન્ટ પર 50.5 મિલિયન ફોલોઅર્સ છે. વળી, ભારતના વડાપ્રધાન દેશના પહેલા એવા ટ્વીટર એકાઉન્ટ હૉલ્ડર છે, જેમના ફોલોઅર્સની સંખ્યા 82.3 મિલિયનથી વધુ છે.
ટ્વીટર પર વિરાટ કોહલી સૌથી વધુ ફોલો થનારા ક્રિકેટરોના લિસ્ટમાં પહેલા નંબર પર છે. જ્યારે બીજા નંબર પર બીજા નંબર પર ક્રિકેટના ભગવાન ગણાતા સચિન તેંદુલકર છે. તેના ટ્વીટર પર ફોલોઅર્સની સંખ્યા 37.8 મિલિયન છે. આ ઉપરાંત બીજો કોઇ ક્રિકેટર ટ્વીટર પર ફોલો થવાના મામલામાં ટૉપ 100 લિસ્ટમાં સામેલ નથી. આવામાં ક્રિકેટની દુનિયામાં ટ્વીટર પર ભારતનો એકતરફી જલવો છે.