IND vs PAK: ભારતને હરાવવા પાકિસ્તાને ફરી એકવાર બનાવ્યો આ ખાસ પ્લાન, વાંચો શું છે

શાદાબ ખાને મેચ પહેલા કહ્યું કે, વ્યક્તિગત રીતે તે ખુબ સારી પરફોર્મન્સ કરવા માંગે છે, આ એક વિશ્વસ્તરીય સ્પર્ધા છે, મને વિશ્વાસ છે કે મને સફળતા અને ઉપલબ્ધિઓ મળશે.

Asia Cup 2022 India vs Pakistan: આવતીકાલે ભારત અને પાકિસ્તાન વચ્ચે એશિયા કપમાં હાઇ વૉલ્ટેજ મેચ રમાશે. આ પહેલા બન્ને ટીમોના ખેલાડીઓએ જબરદસ્ત રીતે પ્રેક્ટિસ કરી છે, ઉલ્લેખનીય છે કે ગયા વર્ષે ટી20 વર્લ્ડકપમાં પાકિસ્તાની ટીમે ભારતને સજ્જડ હાર આપી હતી, અને આ વખતે ફરી એકવાર તેમને રોહિતની ટીમને હરાવવા કમર કરી છે. પાકિસ્તાનના સ્ટાર ક્રિકેટર શાદાબ ખાને આ વખતે ફરી એકવાર પોતાની ટીમના પ્લાન વિશે ખુલાસો કર્યો છે. તેની નજર એશિયા કપ 2022માં પ્લેયર ઓફ ધ સીરીઝ બનવા પર છે, અને ટીમને ત્રીજીવાર એશિયા કપનુ ચેમ્પીયન બનાવવા પર છે. 

શાદાબ ખાને મેચ પહેલા કહ્યું કે, વ્યક્તિગત રીતે તે ખુબ સારી પરફોર્મન્સ કરવા માંગે છે, આ એક વિશ્વસ્તરીય સ્પર્ધા છે, મને વિશ્વાસ છે કે મને સફળતા અને ઉપલબ્ધિઓ મળશે. શાદાબ ખાને પાકિસ્તાનની અધિકારીક વેબસાઇટ પર કહ્યું - મારુ અંતિમ ઉદેશ્ય પાકિસ્તાનને ટ્રૉફી જીતાડવાનુ છે, 

શાદાબે કહ્યું કે આ વખતે અમારી પાસે શાહીન આફ્રિદી નથી, પરંતુ આની ખોટ હૈરિસ રાઉફ પુરી કરશે, તે મેચ વિજેતા બૉલર છે, અમે તેને આગળ કર્યો છે. અમારી મુખ્ય સ્ટ્રાઇક બૉલરો છે, આ એક ગેમ પ્લાન છે. પાકિસ્તાન આ વખતે બૉલિંગથી ફરી એકવાર ભારત પર હાવી થવા માંગશે. 

એશિયા કપ માટે ભારતીય ટીમની ફૂલ સ્ક્વૉડ - 
ટીમ ઈન્ડિયા - રોહિત શર્મા (કેપ્ટન), કેએલ રાહુલ (વીસી), વિરાટ કોહલી, સૂર્યકુમાર યાદવ, દીપક હુડ્ડા, આર પંત (વિકી), દિનેશ કાર્તિક (વિકી), હાર્દિક પંડ્યા, આર જાડેજા, આર અશ્વિન , યુઝવેન્દ્ર ચહલ, આર બિશ્નોઈ, ભુવનેશ્વર કુમાર, અર્શદીપ સિંહ, આવેશ ખાન.

આ પણ વાંચો..