IND vs PAK: સૂર્યકુમાર યાદવે ફરી પાકિસ્તાનને કેપ્ટન સલમાન આગા સાથે હાથ ન મિલાવ્યા

IND vs PAK No Handshake: આ મહામુકાબલામાં પાકિસ્તાને ટોસ જીતીને પ્રથમ બોલિંગ કરવાનો નિર્ણય લીધો હતો.

IND vs PAK No Handshake

Source : सोशल मीडिया

Show Quick Read

Key points generated by AI, verified by newsroom

• ભારતીય કેપ્ટન સૂર્યકુમાર યાદવે પાકિસ્તાની કેપ્ટન સાથે હાથ મિલાવ્યા નહિ.
• પાકિસ્તાને ટોસ જીતી પ્રથમ બોલિંગનો નિર્ણય લીધો, ભારતે પ્રથમ બેટિંગ કરી.
• અભિષેક શર્માની ટીમમાં વાપસી, કુલદીપ યાદવનો સમાવેશ કરાયો.
• ભારત ત્રણ સ્પિનરો સાથે મેદાનમાં ઉતર્યું, પાકિસ્તાની બેટ્સમેનોને મુશ્કેલી.

IND vs PAK No Handshake: શ્રીલંકાના કોલંબોમાં રવિવાર, 15 ફેબ્રુઆરી 2026 ના રોજ રમાઈ રહેલી ભારત વિરુદ્ધ પાકિસ્તાન (India vs Pakistan) T20 વર્લ્ડ કપ મેચમાં એક મોટો રાજકીય અને રમતગમતનો સંદેશ જોવા મળ્યો છે. ટોસ દરમિયાન ભારતીય કેપ્ટન સૂર્યકુમાર યાદવે પાકિસ્તાની કેપ્ટન સલમાન અલી આઘા સાથે હાથ ન મિલાવીને (No Handshake Policy) ભારતની કડક નીતિને દોહરાવી છે. એશિયા કપ 2025 બાદ ભારતીય ટીમે પાકિસ્તાન સાથે હાથ ન મિલાવવાની પ્રથા અમલમાં મૂકી હતી, પરંતુ ICC ટુર્નામેન્ટના મંચ પર આવું પ્રથમવાર બન્યું છે. શનિવારે પ્રેસ કોન્ફરન્સમાં પૂછવામાં આવેલા પ્રશ્નનો સૂર્યાએ આજે મેદાન પર કૃત્ય દ્વારા જવાબ આપી દીધો છે.

ટોસનું પરિણામ અને સૂર્યકુમારની વ્યૂહરચના

આ મહામુકાબલામાં પાકિસ્તાને ટોસ જીતીને પ્રથમ બોલિંગ કરવાનો નિર્ણય લીધો હતો. ભારતને પ્રથમ બેટિંગ (First Batting) કરવાનું આમંત્રણ મળતા કેપ્ટન સૂર્યકુમાર યાદવે હકારાત્મક પ્રતિસાદ આપતા જણાવ્યું કે, "અમે પણ પહેલા બેટિંગ કરવા જ ઈચ્છતા હતા. અહીંની પીચ પર રનનો બચાવ કરીને અમે છેલ્લી બે મેચો જીત્યા છીએ, તેથી અમે અમારી જૂની રણનીતિ પર જ આગળ વધવા માંગીએ છીએ." ભારત માટે આ મેચમાં મોટો સ્કોર ખડકવો એ પ્રાથમિકતા રહેશે, કારણ કે પ્રેમદાસા સ્ટેડિયમની પીચ સમય જતાં ધીમી પડે છે.

ટીમ ઇન્ડિયામાં ફેરફાર: અભિષેક શર્માની વાપસી

આ મહત્વપૂર્ણ મેચ માટે ભારતીય પ્લેઇંગ ઇલેવનમાં (Playing 11) મહત્વના ફેરફાર કરવામાં આવ્યા છે. વિસ્ફોટક ઓપનર અભિષેક શર્માની ટીમમાં વાપસી થઈ છે. કોલંબોની પરિસ્થિતિ અને સ્પિનરોને મળતી મદદને ધ્યાનમાં રાખીને, ટીમ મેનેજમેન્ટે ફાસ્ટ બોલર અર્શદીપ સિંહના સ્થાને ચાઇનામેન બોલર કુલદીપ યાદવનો (Kuldeep Yadav) સમાવેશ કર્યો છે. ભારત આજે ત્રણ સ્પિનરો (અક્ષર, વરુણ અને કુલદીપ) સાથે મેદાનમાં ઉતરી રહ્યું છે, જે પાકિસ્તાની બેટ્સમેનો માટે મુશ્કેલી ઊભી કરી શકે છે.

બંને ટીમોની ફાઇનલ પ્લેઇંગ ઇલેવન

ભારતીય ટીમ (Team India): અભિષેક શર્મા, ઇશાન કિશન (WK), તિલક વર્મા, સૂર્યકુમાર યાદવ (કેપ્ટન), હાર્દિક પંડ્યા, શિવમ દુબે, રિંકુ સિંહ, અક્ષર પટેલ, કુલદીપ યાદવ, વરુણ ચક્રવર્તી અને જસપ્રીત બુમરાહ.

પાકિસ્તાની ટીમ (Team Pakistan): સેમ અયુબ, સાહિબજાદા ફરહાન, સલમાન આઘા (કેપ્ટન), બાબર આઝમ, મોહમ્મદ નવાઝ, શાદાબ ખાન, ફહીમ અશરફ, ઉસ્માન ખાન (WK), શાહીન આફ્રિદી, અબરાર અહેમદ અને ઉસ્માન તારિક.

આ પણ વાંચો

IND vs PAK: જો વરસાદને કારણે મેચ રદ થાય તો કોણ જીતશે? જાણો ICC ના નિયમો અને પોઈન્ટ ટેબલનું ગણિત