ભારત વર્લ્ડ ટેસ્ટ ચેમ્પિયનશીપ જીતશે તો કેટલું મળશે ઈનામ? આંકડો જાણીને ચોંકી જશો

ફાઈનલમાં ટીમ ઈન્ડિયા ન્યુઝીલેન્ડ સાથે ટકરાશે. લોર્ડ્સમાં 18 થી 22 જૂન દરમિયાન આ મહામુકાબલો રમાશે.

(ફાઈલ તસવીર)

અમદાવાદ: ટીમ ઈન્ડિયાએ ઈંગ્લેન્ડ વિરુદ્ધ નરેન્દ્ર મોદી સ્ટેડિયમમાં રમાયેલી ચોથી અને અંતિમ ટેસ્ટ મેચમાં એક ઈનિંગ્સ અને 25 રનથી શાનદાર જીત મેળવી હતી. તેની સાથે ભારતે 3-1થી સીરિઝ પર કબ્જો કરી લીધો હતો. આ જીત સાથે ભારત વર્લ્ડ ટેસ્ટ ચેમ્પિયનશીપની ફાઇનલમાં પણ પહોંચી ગયું છે. ફાઈનલમાં ટીમ ઈન્ડિયા ન્યુઝીલેન્ડ સાથે ટકરાશે. લોર્ડ્સમાં 18 થી 22  જૂન દરમિયાન આ મહામુકાબલો રમાશે. જેના પર હવે ક્રિકેટ વિશ્વની નજર છે. કારણકે તેમાં જીતનારી ટીમ આઈસીસી ટેસ્ટ ચેમ્પિયનશિપ જીતનારી પ્રથમ ટીમ બનશે. આઈસીસી વર્લ્ડ ટેસ્ટ ચેમ્પિયનશીપમં ભારત 72.2 ટકા અને 520 અંક સાથે ટોચ પર છે. જ્યારે ન્યૂઝીલેન્ડ 70 ટકા અને 420 પોઇન્ટ સાથે બીજા સ્થાન પર છે. જ્યારે 69.2 ટકા અને 332 પોઇન્ટ સાથે ત્રીજા સ્થાન પર છે. ઓસ્ટ્રેલિયાએ મહામારીના કારણે સાઉથ આફ્રિકા પ્રવાસ સ્થગિત કર્યો હતો. જેનો ફાયદો ન્યૂઝીલેન્ડને મળ્યો હતો. આઈસીસી ટેસ્ટ ચેમ્પિયનશિપ જીતનારી ટીમને 1 મિલિયન અમેરિકન ડોલર (આશે 7,31,80,900 રૂપિયા)ની રકમ મળશે. આ ઉપરાંત ટ્રોફી પણ આપવામાં આવશે.