IND vs WI: કેમ્પબેલ, હોપ અને જાંગુની સદી, વનડે ક્રિકેટમાં ટીમ ઇન્ડિયાનો શરમજનક દિવસ!

ગુવાહાટીમાં રમાયેલી બીજી વનડેમાં વેસ્ટ ઈન્ડિઝના જોન કેમ્પબેલ, શાઈ હોપ અને આમિર જાંગુએ સદીઓ ફટકારીને ભારતીય બોલરોને પરાસ્ત કર્યા.

india vs west indies odi three centuries guwahati match record update

Source : AP

Show Quick Read

Key points generated by AI, verified by newsroom

• ભારત સામે ODIમાં વેસ્ટ ઈન્ડિઝના ત્રણ બેટ્સમેનોએ સદીઓ ફટકારી.
• કેમ્પબેલ, શાઈ હોપ, જાંગુએ ઝડપી સદીઓ ફટકારી ભારતીય બોલરોને હંફાવ્યા.
• વેસ્ટ ઈન્ડિઝ એક ઇનિંગમાં ત્રણ સદીની સિદ્ધિ મેળવનારી ચોથી ટીમ બની.

India vs West Indies ODI: ભારત અને વેસ્ટ ઈન્ડિઝ વચ્ચે રમાઈ રહેલી ત્રણ વનડે મેચની શ્રેણીની બીજી મેચ ગુવાહાટીમાં રમાઈ રહી છે. આ મેચમાં ટીમ ઈન્ડિયાએ ટોસ જીતીને પહેલા બોલિંગ કરવાનો નિર્ણય લીધો હતો, પરંતુ આ નિર્ણય ભારત માટે ખૂબ જ નિરાશાજનક રહ્યો. વેસ્ટ ઈન્ડિઝની ટીમે પ્રથમ બેટિંગ કરતા ધમાકેદાર શરૂઆત કરી અને ઈતિહાસ રચી દીધો. તેમની ઈનિંગમાં ત્રણ બેટ્સમેનોએ શાનદાર સદીઓ ફટકારીને ભારતીય બોલરોને હંફાવી દીધા હતા.

વેસ્ટ ઈન્ડિઝના બેટ્સમેન જોન કેમ્પબેલે આક્રમક રમત દાખવતા માત્ર 65 બોલમાં પોતાની સદી પૂરી કરી. ત્યારબાદ શાઈ હોપે પણ 90 બોલમાં શાનદાર સદી ફટકારી. હોપ પોતાની સદી પૂરી કર્યા બાદ 104 રનના અંગત સ્કોર પર આઉટ થયો. પરંતુ ત્યારપછી પણ વેસ્ટ ઈન્ડિઝનો દબદબો ચાલુ રહ્યો અને આમિર જાંગુએ માત્ર 70 બોલમાં જ પોતાની સદી પૂરી કરી લીધી. આમ, વેસ્ટ ઈન્ડિઝની ટીમે વનડે ક્રિકેટમાં એક જ ઈનિંગમાં ત્રણ સદી ફટકારવાની ઐતિહાસિક સિદ્ધિ હાંસલ કરી.

એક ODI ઈનિંગમાં 3 સદી ફટકારનારી ટીમોનો ઈતિહાસ

વેસ્ટ ઈન્ડિઝ ક્રિકેટ ટીમ વનડે ક્રિકેટના ઈતિહાસમાં એક જ ઈનિંગમાં ત્રણ સદી ફટકારનારી માત્ર ચોથી ટીમ બની ગઈ છે. અગાઉ આ સિદ્ધિ દક્ષિણ આફ્રિકા, ઈંગ્લેન્ડ અને ઓસ્ટ્રેલિયાના નામે હતી. ભારત સામે આ બીજી વખત એવું બન્યું છે કે કોઈ ટીમે એક જ વનડે ઈનિંગમાં ત્રણ સદી ફટકારી હોય. આ પહેલા 2015માં દક્ષિણ આફ્રિકાના ત્રણ બેટ્સમેનોએ ભારતીય ટીમ સામે એક જ વનડેમાં ત્રણ સદી ફટકારી હતી.

એક ODI ઈનિંગમાં 3 સદી ફટકારનારી ટીમોની યાદી:

દક્ષિણ આફ્રિકા વિરુદ્ધ વેસ્ટ ઈન્ડિઝ (2015)

દક્ષિણ આફ્રિકા વિરુદ્ધ ભારત (2015)

ઈંગ્લેન્ડ વિરુદ્ધ નેધરલેન્ડ (2022)

દક્ષિણ આફ્રિકા વિરુદ્ધ શ્રીલંકા (2023)

ઓસ્ટ્રેલિયા વિરુદ્ધ દક્ષિણ આફ્રિકા (2025)

વેસ્ટ ઈન્ડિઝ વિરુદ્ધ ભારત (2026)

વેસ્ટ ઈન્ડિઝની ધમાકેદાર રમત

મેચમાં વેસ્ટ ઈન્ડિઝે શરૂઆતથી જ દબાણ જાળવી રાખ્યું હતું. 15 ઓવરમાં ટીમે એક પણ વિકેટ ગુમાવ્યા વિના 132 રન બનાવી લીધા હતા. 18મી ઓવરમાં જોન કેમ્પબેલે પોતાની સદી પૂરી કરી અને તેણે 68 બોલમાં 101 રન ફટકાર્યા, જેમાં 9 ચોગ્ગા અને 5 છગ્ગા સામેલ હતા. ટીમનો સ્કોર 25.3 ઓવરમાં 200 રનને પાર કરી ગયો. ત્યારબાદ શાઈ હોપ અને આમિર જાંગુએ ભાગીદારી નોંધાવીને ભારતીય બોલરો માટે મુશ્કેલી ઊભી કરી હતી. હોપે કુલદીપ યાદવના બોલ પર આઉટ થતાં પહેલાં 104 રન બનાવ્યા હતા. જાંગુએ પણ જોરદાર વાપસી કરતા માત્ર 70 બોલમાં સદી પૂરી કરી, જે ભારત સામેની વનડેમાં વેસ્ટ ઈન્ડિઝના બેટ્સમેન દ્વારા બીજી સૌથી ઝડપી સદી છે.

ભારત સામે ODIમાં સૌથી ઝડપી સદી ફટકારનાર વેસ્ટ ઈન્ડિઝના બેટ્સમેનો:

જોન કેમ્પબેલ - 65 બોલ

આમિર જાંગુ - 70 બોલ

રિકાર્ડો પોવેલ - 72 બોલ