ODI Record: સૌથી ઓછા બોલ પર ચાર હજાર રન ફટકારનાર ખેલાડી બન્યો જોસ બટલર, વોર્નર અને શાહિદ આફ્રિદીને પાછળ છોડ્યા

ઈંગ્લેન્ડના વિકેટ કીપર બેટ્સમેન જોસ બટલરને વન-ડે ક્રિકેટમાં સૌથી ખતરનાક ખેલાડીઓમાંના એક માનવામાં આવે છે.

Jos Buttler: ઈંગ્લેન્ડના વિકેટ કીપર બેટ્સમેન જોસ બટલરને વન-ડે ક્રિકેટમાં સૌથી ખતરનાક ખેલાડીઓમાંના એક માનવામાં આવે છે. છેલ્લા કેટલાક વર્ષોમાં જોસ બટલરે સતત શાનદાર પ્રદર્શન કર્યું છે. જોસ બટલરની ગણતરી હાલના વન-ડે અને ટી-20 ક્રિકેટનો સર્વશ્રેષ્ઠ ખેલાડી માનવામાં આવે છે. દરમિયાન જોસ બટલરે એક ખાસ રેકોર્ડ પોતાના નામે કરી લીધો છે. વાસ્તવમાં જોસ બટલર સૌથી ઓછા બોલ પર 4 હજાર રન બનાવનાર બેટ્સમેન બની ગયો છે.

શાહિદ આફ્રિદી અને ડેવિડ વોર્નરને પાછળ છોડ્યા

જોસ બટલરે વન-ડે ક્રિકેટમાં સૌથી ઓછા બોલમાં 4000 રન બનાવવાનો રેકોર્ડ બનાવ્યો છે. તેણે ODI ક્રિકેટમાં 3281 બોલમાં 4 હજાર રનનો આંકડો પાર કર્યો છે. જ્યારે આ યાદીમાં બીજા નંબર પર પૂર્વ પાકિસ્તાની બેટ્સમેન શાહિદ આફ્રિદી છે. શાહિદ આફ્રિદીએ 3930 બોલમાં 4 હજાર રન પૂરા કર્યા હતા. આ સિવાય ભૂતપૂર્વ વિસ્ફોટક ભારતીય ઓપનર વીરેન્દ્ર સેહવાગ પણ આ યાદીમાં સામેલ છે.

ભારતીય ઓપનર વિરેન્દ્ર સેહવાગ પણ ટોપ-5માં સામેલ છે

આ યાદીમાં ઓસ્ટ્રેલિયાના ઓપનર ડેવિડ વોર્નર ત્રીજા નંબરે છે જ્યારે પૂર્વ ભારતીય ઓપનર વીરેન્દ્ર સેહવાગ ચોથા નંબરે છે. ઓસ્ટ્રેલિયન ઓપનર ડેવિડ વોર્નરે 4128 બોલમાં 4 હજાર રન પૂરા કર્યા. વીરેન્દ્ર સેહવાગે 4131 બોલમાં આ સિદ્ધિ હાંસલ કરી છે. સૌથી ઓછા બોલ પર 4 હજાર રન બનાવનાર ખેલાડીઓની યાદીમાં દક્ષિણ આફ્રિકાનો ઓપનર ક્વિન્ટન ડી કોક પાંચમા નંબરે છે. તેણે વન ડે ક્રિકેટમાં 4255 બોલમાં 4 હજાર રનનો આંકડો પાર કર્યો છે.