IND vs AUS: વોર્નર-ફિન્ચે 12મી વાર કરી શતકીય ભાગીદારી, આ દિગ્ગજોને પછાડ્યા, જાણો વિગતે

આ બન્ને બેટ્સમેનોએ બીજી વનડેમાં પણ 142 રનની શતકીય ભાગીદારી કરી છે. આવુ વનડેમાં આ બન્નેએ 12મી વાર કર્યુ છે. વનડેમાં સૌથી વધુ શતકીય ભાગીદાર કરવામાં ઓસ્ટ્રેલિયા તરફથી એડમ ગિલક્રિસ્ટ અને મેથ્યૂ હેડનની જોડી ટૉપ પર છે

નવી દિલ્હીઃ ભારત અને ઓસ્ટ્રેલિયા વચ્ચે ત્રણ મેચોની સીરીઝની આજે બીજી વનડે મેચ સિડનીમાં રમાઇ. ઓસ્ટ્રેલિયન ઓપનરોએ ફરી એકવાર તાબડતોડ બેટિંગનુ પ્રદર્શન કરીને ભારતીય બૉલરોને ચારેયબાજુ ફટકાર્યા હતા. પહેલી મેચમાં ડેવિડ વોર્નર અને એરોન ફિન્ચે 156 રન જોડ્યા હતા, અને હવે બીજી મેચમાં પણ તાબડતોડ બેટિંગ કરી છે. આ બન્ને બેટ્સમેનોએ બીજી વનડેમાં પણ 142 રનની શતકીય ભાગીદારી કરી છે. આવુ વનડેમાં આ બન્નેએ 12મી વાર કર્યુ છે. વનડેમાં સૌથી વધુ શતકીય ભાગીદાર કરવામાં ઓસ્ટ્રેલિયા તરફથી એડમ ગિલક્રિસ્ટ અને મેથ્યૂ હેડનની જોડી ટૉપ પર છે, જેને આ કારનામુ 16 વાર કર્યુ છે. વનડેમાં સર્વાધિક શતકીય ભાગીદારી કરનારી ઓસ્ટ્રેલિયન જોડી એડમ ગિલક્રિસ્ટ- મેથ્યૂ હેડન :16 એરોન ફિન્ચ- ડેવિડ વોર્નર : 12 રિકી પોન્ટિંગ- માઇકલ ક્લાર્ક : 11 મેથ્યૂ હેડન- રિકી પોન્ટિંગ : 10

સ્મિથની વિસ્ફોટક સદી.... ઓસ્ટ્રેલિયાના સ્ટાર બેટ્સમેન સ્ટીવ સ્મિથે સતત બીજી વનડે મેચમાં ભારત વિરુદ્ધ શાનદાર બેટિંગ કરી હતી. પ્રથમ વનડેમાં તેણે 66 બોલમાં 105 રનની ઈનિંગ રમી હતી જ્યારે બીજી વનડેમાં પણ સદી ફટકારી હતી. તેની સાથે સ્થિમ ઈન્ટરનેશલ કેરિયરની આ 11મી સદી છે. ભારત વિરુદ્ધ તેની ચોથી સદી છે. તેની સાથે જ સ્મિથે ભારત વિરુદ્ધ એક ખાસ રેકોર્ડ બનાવ્યો છે. સ્ટીવ સ્મિથે ભારત વિરુદ્ધ સતત પાંચમી વખત 50 પ્લસ સ્કોર બનાવ્યો છે. સ્મિથે ભારત વિરુદ્ધ છેલ્લી પાંચ ઈનિંગમાં 69 રન, 98 રન, 131 રન, 105 રન અને 104 રન બનાવ્યા છે. આ કારનામું કરનાર સ્મિથ ન્યૂઝીલેન્ડ કેન વિલિયમસન બાદ બીજો બેટ્સમેન છે. ભારત વિરદ્ધ સતત બીજી વનડે મેચમાં સ્મિથે 62 બોલ પર સદી નોંધાવી હતી. બીજી વનડેમાં 64 બોલમાં 104 રન બનાવીને આઉટ થયો હતો. આ ઈનિંગ દરમિયાન 14 ફોર અને 2 સિક્સ નોંધાવી હતી.