કમબેક કરવા આ સ્ટાર ઓલરાઉન્ડરે મેદાનમાં પાડ્યો પરસેવો, પહેલીવાર સામે આવ્યો ફટકાબાજી કરતો વીડિયો, જુઓ..........

નેટ્સ પર બેટિંગ કરતો દેખાયો, તેના શૉટ્સ જોઇને અંદાજો લગાવી શકાય છે કે તે પુરેપુરી રીતે તૈયાર થઇ ચૂક્યો છે

IPL 2022 Hardik Pandya come back practice video: ટીમ ઇન્ડિયાના ક્રિકેટર હાર્દિક પંડ્યા એકવાર ફરીથી મેદાન પર વાપસી માટે તૈયાર છે. હાર્દિક પંડ્યા નેટ્સ પર બેટિંગ કરતો દેખાયો, તેના શૉટ્સ જોઇને અંદાજો લગાવી શકાય છે કે તે પુરેપુરી રીતે તૈયાર થઇ ચૂક્યો છે. આઇપીએલ 2022થી પહેલા હાર્દિક પંડ્યાની પ્રેક્ટિસ જોઇને મુંબઇ ઇન્ડિયન્સના ફેન્સ જરૂર ખુશ થઇ જશે. હાર્દિક પંડ્યા ઇજાગ્રસ્ત થવાના કારણ નવેમ્બર 2021 બાદથી મેદાન પર નથી દેખાયો. 

ભારતીય ક્રિકેટ ટીમના ઓલરાઉન્ડર હાર્દિક પંડ્યાએ ઇન્સ્ટાગ્રામ પર એક વીડિયો શેર કર્યો છે. આમાં તે નેટ્સમાં પ્રેક્ટિસ કરતો દેખાઇ રહ્યો છે. હાર્દિક આ દરમિયાન કેટલીય બેસ્ટ શૉટ્સ ફટકારતો દેખાઇ રહ્યો છે. આઇપીએલ પહેલા તેની આ તૈયારીઓ તેના ફેન્સ માટે સારા સંકેત છે. પંડ્યાના આ વીડિયોને લગભગ 3 લાખ લોકોએ લાઇક કર્યો છે. 

ઉલ્લેખનીય છે કે હાર્દિક પંડ્યાએ ભારતીય ટીમ માટે 54 ટી20 ઇન્ટરનેશનલ મેચ રમી છે. આ દરમિયાન તેને 553 રન બનાવ્યા છે, અને 42 વિકેટો ઝડપી છે, જો હાર્દિકની આઇપીએલ કેરિયર પર નજર નાંખીએ તો તે પણ પ્રભાવી રહ્યો છે. તેને 92 મેચોમાં 1476 રન બનાવ્યા છે, અને 42 વિકેટો પણ પોતાના નામે કરી છે. પંડ્યાની આ ટૂર્નામેન્ટમાં બેસ્ટ સ્કૉર 91 રન રહ્યાં છે. 

આ પણ વાંચો......