યુવરાજની ચેલેન્જ પર માસ્ટર-બ્લાસ્ટરનો સખત જવાબ, આંખો પર પટ્ટી બાંધીને પુરો કર્યો ટાસ્ક

યુવરાજે બે દિવસ પહેલા કોરોના વાયરસ વિરુદ્ધ જાગૃતતા અભિયાન અંતર્ગત ‘કીપ ઇટ અપ’ (#KeepItUp) ચેલેન્જ લીધી હતી. આમાં યુવરાજ બૉલને બેટના કિનારાથી ઉછાળી રહ્યો હતો, તેને આ પછી સચિન, હરભજન સિંહ અને રોહિત શર્માને આ ચેલેન્જ આપી હતી

નવી દિલ્હીઃ માસ્ટર બ્લાસ્ટર સચિન તેંદુલકરે પોતાની કેરિયરમાં કેટલાય મોટા મોટા પડકારોને સફળતાપૂર્વક ઝીલ્યા છે. વેસ્ટ ઇન્ડિઝ, ઓસ્ટ્રેલિયા, સાઉથ આફ્રિકા અને પાકિસ્તાન જેવી ધરખમ ટીમોને સચિનનો બરાબર પરિચય છે. સચિનને રિટાયરમેન્ટ બાદ પણ કોઇ પડકાર ફેંકવો આસાન નથી. યુવરાજે એક ચેલેન્જ આપી જેને સચિને જબરદસ્ત રીતે પુરી કરીને બતાવી છે. યુવરાજે બે દિવસ પહેલા કોરોના વાયરસ વિરુદ્ધ જાગૃતતા અભિયાન અંતર્ગત ‘કીપ ઇટ અપ’ (#KeepItUp) ચેલેન્જ લીધી હતી. આમાં યુવરાજ બૉલને બેટના કિનારાથી ઉછાળી રહ્યો હતો, તેને આ પછી સચિન, હરભજન સિંહ અને રોહિત શર્માને આ ચેલેન્જ આપી હતી. સચિને શનિવાર પોતાના ટ્વીટર એકાઉન્ટ પર એક વીડિયો પૉસ્ટ કર્યો, આમાં સચિને યુવરાજે આપેલી ચેલેન્જને વધારે મુશ્કેલ બનાવી અને આંખો પર કપડાની પટ્ટી બાંધીને તે ચેલેન્જને આસાનીથી પુરી કરી.

આ દરમિયાન સચિને યુવરાજને કહ્યું- યુવી તે બહુજ આસાન ઓપ્શન આપ્યો હતો, એટલા માટે મે તને થોડો મુશ્કેલ વિકલ્પ આપ્યો હતો. તને આના માટે નૉમિનેટ કરી રહ્યો છું.