સ્મિથે રચ્યો ઇતિહાસ, ભારત સામે સદી ફટકારીને હાંસલ કર્યો આ ખાસ મુકામ, જાણો વિગતે

સ્ટીવ સ્મિથ ભારત વિરુદ્ધ સૌથી ઝડપથી સૌથી વધુ 8 સદી ફટકારનારો બેટ્સમેન બની ગયો છે. સ્મિથે સિડનીમાં ચાલુ ટેસ્ટ મેચની પહેલી ઇનિંગમાં પોતાની કેરિયરની 27મી સદી પુરી કરી હતી

નવી દિલ્હીઃ સ્ટીવ સ્મિથે ત્રીજી ટેસ્ટમાં શાનદાર બેટિંગ કરતા 131 રનની ઇનિંગ રમી. સ્મિથની સદીના સહારે ઓસ્ટ્રેલિયન ટીમ 338 રન સુધી પહોંચી શકી હતી. સ્ટીવ સ્મિથે આ સદીની સાથે ફરી એકવાર સાબિત કરી દીધુ કે હાલના સમયનો કેમ બેસ્ટ ટેસ્ટ બેટ્સમેન છે. આ સદીની સાથે સ્મિથે એક ખાસ રેકોર્ડ પોતાના નામે કરી લીધો છે. સ્ટીવ સ્મિથ ભારત વિરુદ્ધ સૌથી ઝડપથી સૌથી વધુ 8 સદી ફટકારનારો બેટ્સમેન બની ગયો છે. સ્મિથે સિડનીમાં ચાલુ ટેસ્ટ મેચની પહેલી ઇનિંગમાં પોતાની કેરિયરની 27મી સદી પુરી કરી હતી. આ ભારતની વિરુદ્ધ તેની આઠમી સદી છે, અને આ માટે સ્મિથે સૌથી ઓછી 25 ઇનિંગ રમી છે. આ પહેલા સૌથી ઓછી ઇનિંગમાં ભારત સામે 8 સદી ફટકારવાનો રેકોર્ડ સર ગૈરી સોબર્સના નામે હતો. સોબર્સે 30 ઇનિંગમાં આ કારનામુ કર્યુ હતુ. આ ક્રમમાં ત્રીજા નંબર પર વેસ્ટ ઇન્ડિઝના જ એક દિગ્ગજ સર વિવિચન રિચર્ડસનુ નામ છે. વિવે 8 સદી ફટકારવા માટે 41 ઇનિંગ લીધી હતી. ચોથા નંબર પર ઓસ્ટ્રેલિયન પૂર્વ કેપ્ટન રિકી પોન્ટિંગ છે, જેને 51 ઇનિંગમાં ભારત વિરુદ્ધ 8 સદી ફટકારી છે.