ટીમ ઈન્ડિયાના ચીફ સિલેક્ટર અજીત અગરકરની વિદાઈ નક્કી, જાણો શું છે BCCIનો પ્લાન

Team India Chief Selector: અજિત અગરકરની બહુ જલ્દી ટીમ ઈન્ડિયાના ચીફ સિલેક્ટર પદ પરથી છૂટ્ટી થઈ શકે છે. તેમનો કાર્યકાળ ઓક્ટોબર મહિનાના પહેલા સપ્તાહમાં સમાપ્ત થઈ રહ્યો છે.

અજીત અગરકર

Source : social media

Show Quick Read

Key points generated by AI, verified by newsroom

• ચીફ સિલેક્ટર અજિત અગરકરનો કાર્યકાળ ઓક્ટોબરના પ્રથમ સપ્તાહે સમાપ્ત.
• BCCIએ કાર્યકાળ લંબાવવા સંપર્ક ન કરતાં, વિદાયની અટકળો.
• અગરકર વેસ્ટ ઈન્ડિઝ ટીમ પસંદ કર્યા બાદ બોર્ડનો આભાર.
• વેસ્ટ ઈન્ડિઝ શ્રેણીમાં પંતની વાપસી, નવા ખેલાડીઓને તક.

Team India Chief Selector: અજિત અગરકરની ટીમ ઈન્ડિયામાંથી છૂટ્ટી થવાની છે. બુધવારે અગરકર છેલ્લી વાર ટીમ ઈન્ડિયાને લઈને કોઈ મીટિંગમાં સામેલ થઈ શકે છે. જણાવવામાં આવી રહ્યું છે કે ઓક્ટોબર મહિનાના પહેલા સપ્તાહમાં ચીફ સિલેક્ટર તરીકે અગરકરનો કોન્ટ્રાક્ટ સમાપ્ત થઈ રહ્યો છે. અગરકર વર્ષ 2023 માં ટીમ ઈન્ડિયાના ચીફ સિલેક્ટર બન્યા હતા, પરંતુ કેટલાક સપ્તાહ પહેલા તેમને એક વર્ષનું એક્સ્ટેન્શન મળવાના સમાચાર હતા, પરંતુ થોડા દિવસોમાં ઘણું બધું બદલાઈ ચૂક્યું છે.

 

ન્યૂઝ એજન્સી પીટીઆઈ અનુસાર અજિત અગરકરનો કાર્યકાળ 4 ઓક્ટોબર સુધી ચાલશે. કોન્ટ્રાક્ટ એક્સ્ટેન્શનને લઈને BCCI તરફથી અગરકર સાથે કોઈ સંપર્ક કરવામાં આવ્યો નથી, જેનાથી એ અટકળોને બળ મળ્યું છે કે અગરકરની બહુ જલ્દી ચીફ સિલેક્ટર પદ પરથી રજા થવાની છે.

આ જ રિપોર્ટમાં એ પણ ખુલાસો થયો છે કે અગરકરે પોતાના કેટલાક નજીકના લોકોને જણાવી દીધું છે કે વેસ્ટ ઈન્ડીઝ સિરીઝ માટે ટીમની પસંદગી બાદ તેઓ BCCI સચિવ દેવજીત સૈકિયાને મેઈલ દ્વારા એક 'થેંકયૂ નોટ' લખવાના છે. જોકે આ મામલે BCCI એ હજુ સુધી કંઈ સ્પષ્ટ કર્યું નથી. બીસીસીઆઈએ એવા કોઈ સંકેત આપ્યા નથી કે તે અજિત અગરકરથી આગળ વિચારવા લાગ્યું છે.

ત્યાં જ BCCI બહુ જલ્દી વેસ્ટ ઈન્ડીઝ સામે વનડે સિરીઝની જાહેરાત કરી શકે છે. આ ટીમમાંથી ઘણા મોટા ચહેરા ગાયબ રહી શકે છે, કારણ કે આ જ દરમિયાન 19 સપ્ટેમ્બરથી એશિયન ગેમ્સ શરૂ થઈ રહી છે. ઋષભ પંતની 2 વર્ષ પછી વનડે ટીમમાં વાપસી થઈ શકે છે. ત્યાં જ હાર્દિક પંડ્યાની વાપસી સહિત ઋતુરાજ ગાયકવાડ, રજત પાટીદારને પણ તક આપવામાં આવી શકે છે.

અજિત અગરકરને જુલાઈ 2023 માં ટીમ ઈન્ડિયાના ચીફ સિલેક્ટર નિયુક્ત કરવામાં આવ્યા હતા. તેમના ચીફ સિલેક્ટર રહેતા ભારતીય ટીમે 2023 વનડે વર્લ્ડ કપની ફાઈનલ રમી, 2024 ટી20 વર્લ્ડ કપ, 2025 માં ચેમ્પિયન્સ ટ્રોફી અને 2026 માં ટી20 વર્લ્ડ કપનો ખિતાબ પણ જીત્યો હતો. કેટલાક એવા દાવો પણ સામે આવ્યા છે કે રોહિત શર્મા સાથે જોડાયેલા મામલાને લઈને બીસીસીઆઈના ટોચના અધિકારીઓ અગરકરથી ખુશ ન હતા.

આ પણ વાંચો

IND vs AFG 2nd T20: અફઘાનિસ્તાન સામે સંજુનું વાવાઝોડું; 6,6,6,6 અને 7 ચોગ્ગા સાથે 20 બોલમાં ઠોકી ફિફ્ટી!

ટી-20 મેચમાં ઈગ્લેન્ડે ફટકાર્યા 254 રન, હેરી બ્રુકની તોફાની સદીએ રચ્યો ઈતિહાસ