Army Truck Fire: જમ્મૂ કશ્મીરમાં આતંકી હુમલો, 5 જવાન શહીદ, રાજનાથ સિંહે શોક વ્યક્ત કર્યો

Army Truck Fire: પૂંછ-જમ્મુ હાઇવે પર ગુરુવારે આર્મીના વાહનમાં આગ લાગી હતી. સેનાએ તેને આતંકવાદી હુમલો ગણાવ્યો છે. પીઆરઓ ડિફેન્સ જમ્મુએ જણાવ્યું કે પૂંછ જિલ્લામાં આર્મી ટ્રકમાં આગ લાગવાથી સેનાના પાંચ જવાનો શહીદ થયા છે.

( Image Source : ANI )

Army Truck Fire: પૂંછ-જમ્મુ હાઇવે પર ગુરુવારે (20 એપ્રિલ) આર્મીના વાહનમાં આગ લાગી હતી. સેનાએ તેને આતંકવાદી હુમલો ગણાવ્યો છે. પીઆરઓ ડિફેન્સ જમ્મુએ જણાવ્યું કે પૂંછ જિલ્લામાં આર્મી ટ્રકમાં આગ લાગવાથી સેનાના પાંચ જવાનો શહીદ થયા છે. આ ઘટના ભાટા ધુરિયન વિસ્તારમાં હાઈવે પર બની હતી. આર્મી ચીફ જનરલ મનોજ પાંડેએ રક્ષા મંત્રી રાજનાથને આ ઘટના અંગે જાણકારી આપી છે.

 

The troops were part of a convoy that came under attack by terrorists in J&K's Poonch: Army sources https://t.co/UG2QOjbzJk

— ANI (@ANI) April 20, 2023

ભારતીય સેનાએ કહ્યું કે, “અજ્ઞાત આતંકવાદીઓએ જમ્મુ અને કાશ્મીરના રાજૌરી સેક્ટરમાં ભીમબેર ગલી અને પૂંછની વચ્ચે ચાલી રહેલા સેનાના વાહન પર ગોળીબાર કર્યો. આતંકવાદીઓ દ્વારા સંભવિત ગ્રેનેડ હુમલાના કારણે વાહનમાં આગ લાગી હતી.

 

Grenades lobbed by terrorists possibly led to truck catching fire, killing 5: Army

Read @ANI Story | https://t.co/xEulIl5uki#Poonch #JK #IndianArmy pic.twitter.com/jg1LFCxnQr

— ANI Digital (@ani_digital) April 20, 2023

સેનાએ કહ્યું કે, આ વિસ્તારમાં આતંકવાદ વિરોધી કાર્યવાહી માટે તૈનાત રાષ્ટ્રીય રાઈફલ્સ યુનિટના જવાનોએ આ ઘટનામાં જીવ ગુમાવ્યો. અન્ય ગંભીર રીતે ઘાયલ સૈનિકને તાત્કાલિક રાજૌરીની આર્મી હોસ્પિટલમાં લઈ જવામાં આવ્યા છે અને તેની સારવાર ચાલી રહી છે. સર્ચ ઓપરેશન ચાલુ છે. સેનાના વરિષ્ઠ અધિકારીઓ તપાસ માટે સ્થળ પર પહોંચ્યા છે અને હાલમાં આ સમગ્ર ઘટના અંગે તપાસ ચાલી રહી છે. જ્યાં આ ઘટના બની તે પહાડી વિસ્તારમાં ભારે વરસાદ પડી રહ્યો છે.

રક્ષા મંત્રી  રાજનાથ સિંહે શોક વ્યક્ત કર્યો

 

Anguished by the tragedy in Poonch District (J&K), where the Indian Army has lost its brave soldiers after a truck caught fire. In this tragic hour, my thoughts are with the bereaved families.

— Rajnath Singh (@rajnathsingh) April 20, 2023

તો બીજી તરફ કેન્દ્રીય રક્ષા મંત્રી રાજનાથ સિંહે પૂંછ જિલ્લામાં થયેલા હુમલા પર શોક વ્યક્ત કર્યો છે. તેણે ટ્વિટ કરીને કહ્યું કે તે આ દુર્ઘટનાથી દુખી છું. જ્યાં ટ્રકમાં આગ લાગવાથી ભારતીય સેનાએ પોતાના બહાદુર જવાનો ગુમાવ્યા છે. આ દુઃખદ ઘડીમાં મારી સંવેદના શોકગ્રસ્ત પરિવારો સાથે છે.