તિલક વર્માને મળી કેપ્ટનશીપ, આ સિરીઝમાં સંભાળશે ટીમની કમાન

South Zone Squad Duleep Trophy: દુલીપ ટ્રોફીની શરૂઆત 23 ઓગસ્ટથી થશે, જેમાં સાઉથ ઝોન ટીમની કપ્તાની તિલક વર્મા કરશે. સાઉથ ઝોન ગયા વર્ષે ફાઇનલ સુધી પહોંચી હતી.

તિલક વર્મા

Source : Social Media

Show Quick Read

Key points generated by AI, verified by newsroom

• દુલીપ ટ્રોફી 23 ઓગસ્ટથી શરૂ, કુલ 6 ટીમો રમશે.
• સાઉથ ઝોનની કપ્તાની તિલક વર્મા, રિકી ભુઈ ઉપકપ્તાન.
• તિલક વર્મા અગાઉ હૈદરાબાદ અને ઈન્ડિયા-એનું નેતૃત્વ કરી ચૂક્યા.
• ટીમમાં કરુણ નાયર, શ્રેયસ ગોપાલ જેવા નામી ખેલાડીઓ છે.

South Zone Squad Duleep Trophy:  દુલીપ ટ્રોફી 2026 ફર્સ્ટ-ક્લાસ ટૂર્નામેન્ટની શરૂઆત 23 ઓગસ્ટથી થવા જઈ રહી છે. આ ટૂર્નામેન્ટમાં 6 ટીમો ભાગ લેશે, જેના નામ વેસ્ટ ઝોન, ઈસ્ટ ઝોન, સાઉથ ઝોન, નોર્થ ઝોન, નોર્થ-ઈસ્ટ ઝોન અને સેન્ટ્રલ ઝોન છે. હવે સાઉથ ઝોન ટીમની જાહેરાત કરવામાં આવી છે, જેની કપ્તાની તિલક વર્માને સોંપવામાં આવી છે. તો આંધ્રના બેટ્સમેન રિકી ભુઈ ટીમના વાઇસ કેપ્ટન હશે.

 

આ પહેલીવાર નથી જ્યારે તિલક વર્મા કોઈ ટીમની કપ્તાની કરી રહ્યો હોય. આ પહેલા તે હૈદરાબાદ ટીમ અને ઈન્ડિયા A ની કપ્તાની પણ કરી ચૂક્યો છે. સાઉથ ઝોનના સ્ક્વોડમાં કરુણ નાયર, શ્રેયસ ગોપાલ અને એન જગદીશન જેવા નામી ક્રિકેટરો પણ હાજર છે.

તિલક વર્માને મળી કપ્તાની

તિલક વર્મા ભારતીય T20 ટીમનો નિયમિત ભાગ બનેલો છે અને તેનો વાઇસ કેપ્ટન પણ છે. ગયા વર્ષે દુલીપ ટ્રોફીમાં તિલક વર્મા રમ્યો નહોતો, ત્યારે ટીમની કપ્તાની મોહમ્મદ અઝહરુદ્દીને કરી હતી, જે આ વખતે ટીમનો ભાગ નથી. તિલક અત્યાર સુધી પોતાની 23 મેચોની ફર્સ્ટ-ક્લાસ કરિયરમાં 7 સદીની ઇનિંગ્સ સહિત 1562 રન બનાવી ચૂક્યો છે.

દુલીપ ટ્રોફી માટે સાઉથ ઝોન સ્ક્વોડ:

તિલક વર્મા (કેપ્ટન), રિકી ભુઈ (વાઇસ કેપ્ટન), એસ.કે. રશીદ, અભિનવ તેજરાના, આર સ્મરણ, એન જગદીશન, કે હિમાતેજા, કરુણ નાયર, ટી ત્યાગરાજન, શ્રેયસ ગોપાલ, કે સાઈ તેજા, ટી વિજય, અમન ખાન, વી કવરપ્પા.

 ઈસ્ટ ઝોનની કમાન સંભાળશે ઈશાન કિશન

ઈશાન કિશન (કેપ્ટન), વૈભવ સૂર્યવંશી (વાઈસ-કેપ્ટન), અભિમન્યુ ઈસ્વરન, સુદીપ કુમાર ઘરામી, શાહબાઝ અહેમદ, સૂરજ સિંધુ જયસ્વાલ, મોહમ્મદ શમી, મુકેશ કુમાર, કુમાર કુશાગ્ર, શિખર મોહન, અનુકુલ રોય, વિરાટ સિંહ, સુભ્રાંશુ સેનાપતિ અને દાનિશ સરકાર.

ક્યારે શરૂ થશે દુલીપ ટ્રોફી?

દુલીપ ટ્રોફીની શરૂઆત 23 ઓગસ્ટથી થશે અને ફાઇનલ 6 સપ્ટેમ્બરે શરૂ થશે. ગયા વર્ષે ફાઇનલ સુધી પહોંચનારી સાઉથ ઝોન અને સેન્ટ્રલ ઝોનને ડાયરેક્ટ સેમિફાઇનલમાં એન્ટ્રી મળી છે. જ્યારે ક્વાર્ટર ફાઇનલમાં ઈસ્ટ ઝોનની ટક્કર નોર્થ ઈસ્ટ ઝોન સાથે અને બીજી ક્વાર્ટર ફાઇનલ મેચમાં નોર્થ ઝોનની ટક્કર વેસ્ટ ઝોન સાથે થશે.                                         

આ પણ વાંચો

ભારતીય ક્રિકેટ માટે માઠા સમાચાર: ઈજાના લીધે આ ૩ સ્ટાર ખેલાડીઓ લેશે નિવૃત્તિ?

ટીમ ઇન્ડિયાને લાગ્યો મોટો ઝટકો, IND-SL ટેસ્ટ સિરીઝમાંથી બહાર થયો બુમરાહ!