પ્રૉ કબડ્ડી લીગના ઇતિહાસમાં યૌદ્ધા અને પલટન.... એકબીજા પર કોણ રહ્યું ભારે, જાણો હેડ ટૂ હેડ મેચ રેકોર્ડ.................

પ્રૉ કબડ્ડી લીગના ઇતિહાસમાં યૌદ્ધા અને પલટન વચ્ચે કેટલી મેચો રમાઇ, કોણો રહ્યો છે અત્યાર સુધી દબદબો, જાણો રેકોર્ડ બુક.............

Pro Kabaddi League 2021-22, UP Yoddha vs Puneri Paltan : આજે પ્રૉ કબડ્ડી લીગ સિઝન 8ની 79મી મેચમાં યૂપી યૌદ્ધા (UP Yoddha)ની સામે પુનેરી પલટન (Puneri Paltan) આમને સામને થશે. 

આ સિઝનમાં બન્ને ટીમો અત્યાર સુધી 13-13 મેચો રમી ચૂકી છે. જેમાં યુપી 5 મેચ જીતીને 39 પૉઇન્ટની સાથે સતત પ્લેઓફ્સની રેસમાં બનેલી છે. બીજી બાજુ પુનેરી પલટન જીતના પાટા પર આવી છે, અને ગઇ બન્ને મેચોને જીતીને તેને પોતાના ઇરાદાઓ સ્પષ્ટ કરી દીધા છે. બન્ને ટીમોને છેલ્લી પાંચ મેચોમાંથી ત્રણ મેચોમાં જીત મળી છે. આ મેચમાં યુપી યૌદ્ધા જીત નોંધાવીને ટૉપ 4માં આવી જશે, તો વળી પુનેરી પલટન જીતની સાથે 8માં સ્થાન પર આવી જશે. 

શું કહે છે હેડ-ટૂ-હેડ ટક્કરના આંકડા...........
પ્રૉ કબડ્ડી લીગના ઇતિહાસમાં બન્ને ટીમોની વચ્ચે 6 મેચો રમાઇ છે. જેમાં યુપી યૌદ્ધાએ 4 વાર પુનેરી પલટનને હાર આપી છે. તો માત્ર 2 વાર પલટનને જીત મળી છે. 17 જાન્યુઆરીએ જ્યારે બન્ને ટીમોની સિઝનની પહેલી ટક્કર થઇ હતી, ત્યારે યુપી યૌદ્ધાએ બાજી મારી હતી. આ મેચ સાંજે 7:30 વાગ્યાથી શરૂ થશે, જેનુ સીધુ પ્રસારણ તમે સ્ટાર સ્પોર્ટ્સ નેટવર્ક્સ અને હૉટસ્ટાર પર જોઇ શકો છો.

શાનદાર છે બન્ને ટીમોનુ ડિફેન્સ-
ગઇ મેચમાં હરિયાણા સ્ટીલર્સ (Haryana Steelers) સાથે એક પૉઇન્ટથી હારનારી યુપી યૌદ્ધા (UP Yoddha) આ મેચમાં પોતાની રેડિંગને મજબૂત કરીને મેટ પર ઉતવા ઇચ્છશે. ટીમે ડિફેન્સમાં કમાલનુ પ્રદર્શન કર્યુ છે. સુમિત સાંગવાન (Sumit Sangwan), આશુ સિંહ (Ashu Singh) અને નીતિશ કુમાર (Nitesh Kumar)ની જોડીએ દરેક ટીમના રેડિંગ વિભાગને પરેશાન કર્યુ છે. શુભમ કુમાર (Shubham Kumar) ગઇ મેચથી શાનદાર ફોર્મમાં છે અને યુપીની ડિફેન્સને મજબૂત કરવાનુ કામ કરી રહ્યો છે. રેડિંગમાં સુરેન્દર ગિલ (Surender Singh), શ્રીકાંત જાધવ (Srikanth Jadhav) અને મોહમ્મદ તઘી (Mohammad Taghi)એ સારી લય પકડી લીધી છે, પરંતુ પ્રૉ કબડ્ડી લીગના સૌથી મોટા રેડર પરદીપ નરવાલ (Pardeep Narwal) આ સિઝનમાં હજુ સુધી પોતાનો જાદુ નથી બતાવી શક્યો. 

બીજીબાજુ પુનેરી પલટને બીજા હાફમાં શાનદાર વાપસી કરી છે. અસલમ ઇનામદાર (Aslam Inamdar)ની સાથે મોહિત ગોયત (Mohit Goyat)એ ટીમની રેડિંગ વિભાગને મજબૂત કરી દીધી છે. સોમબીર (Sombir), અભિનેશ નાદરાજાન (Abhinesh Nadrajan) અને સંકેત સાવંત (Sanket Sawant)એ ડિફેન્સમાં લય પકડી લીધી છે. બીજા હાફમાં નીતિન તોમર (Nitin Tomar)ની કેપ્ટનશીપમાં એવુ લાગી રહ્યું છે કે ટીમ હારવાનુ ભૂલી ગઇ છે. 

 

આ પણ વાંચો.........