હું તો બોલીશઃ બુટલેગરો વિરુદ્ધ સરપંચોનો ઢોલ

ઢોલ વગાડીને સુધરી જવાની ચેતવણી અપાઈ રહી છે. આ બંને વીડિયો જુઓ એક છે જૂનાગઢનો અને બીજો વીડિયો છે બોટાદનો. જૂનાગઢના ભેંસાણ તાલુકાના પસવાડા ગામે ઢોલ વગાડીને દારૂડિયાઓને ચેતવણી આપી રહ્યા છે તે છે ખુદ ગામના સરપંચ જયસિંહ ભાટી. દારૂના દૂષણને કારણે પસવાડા ગામમાં 15 મહિલાઓ વિધવા બની ગઈ છે. કેમ કે, ગામમાં ખુલ્લેઆમ દારૂની હાટડીઓ ધમધમી રહી હતી. સરપંચના મતે ગામમાં નાનાથી લઈ મોટા દારૂના રવાડે ચડ્યા છે. જેને લઈ તેમને ઢોલ લઈ ગામની ગલીઓમાં ઉતરવું પડ્યું.