Flower Cultivation: એક લાખ ખર્ચ કરીને કમાવ 7 લાખ રૂપિયા, જાણો ગુલાબની ખેતીથી કેવી રીતે ભરાશે ખેડૂતની તિજોરી

Rose Flower Cultivation: ગુલાબની ખેતીમાં સૌથી મોટો ફાયદો એ છે કે તેના છોડને એકવાર રોપ્યા પછી ઉત્પાદન 10 વર્ષ સુધી ચાલુ રહે છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Rose Flower Cultivation: ભારતના વિવિધ વિસ્તારોમાં ખેડૂતો સારી આવક માટે અનાજની સાથે બાગાયતી પાકની (Horticulture Crops0 ખેતી પર ભાર આપી રહ્યા છે. આમાં ઘણા ખેડૂતો એ જ જમીન પર પરંપરાગત પાકોની સાથે ફળો, ફૂલો, શાકભાજી અને ઔષધીય પાકો ઉગાડી રહ્યા છે. સરકાર પણ એરોમા મિશન (Aroma Mission) જેવી યોજનાઓ ચલાવીને દેશમાં ફૂલની ખેતીને પ્રોત્સાહન આપી રહી છે. ફૂલોની બજારની માંગ વિશે વાત કરીએ તો, ગુલાબનું (Rose) ફૂલ સૌથી પ્રખ્યાત છે. પૂજાથી લઈને લગ્નના ફંક્શન અને બ્યુટી પ્રોડક્ટ્સમાં પણ ગુલાબનો ઉપયોગ મોટા પાયે થાય છે. તેથી ખેડૂતો ગુલાબની ખેતી (Rose Cultivation) કરીને ઓછા ખર્ચમાં વધુ આવક મેળવી શકે છે.

10 વર્ષ માટે પૈસા કમાઓ

ગુલાબની ખેતીમાં સૌથી મોટો ફાયદો એ છે કે તેના છોડને એકવાર રોપ્યા પછી ઉત્પાદન આગામી 10 વર્ષ સુધી ચાલુ રહે છે. એક છોડ 2 કિલો ફૂલ આપે છે. જો કે, ગુલાબની સંરક્ષિત ખેતી કરવાથી ઉત્પાદન અને નફો અનેકગણો વધે છે. તેના ફૂલોમાંથી જ નહીં, તેની પાંખડી પણ સારા ભાવે વેચાય છે. અહેવાલો અનુસાર, એક હેક્ટર જમીનમાં ગુલાબની ખેતી કરવાનો પ્રારંભિક ખર્ચ 1 લાખ રૂપિયા છે, પરંતુ એક વર્ષમાં તે જ ઉત્પાદન વેચવાથી 6 થી 7 લાખ રૂપિયાનો ચોખ્ખો નફો થાય છે.

કેવી રીતે કરશો ગુલાબની ખેતી

• અગાઉ ખેડૂતોને નજીકના બજારમાં માંગ પ્રમાણે ગુલાબની ખેતી કરવાની સૂચના આપવામાં આવતી હતી, પરંતુ આજકાલ ઓનલાઇન ગુલાબના ફૂલોની ઘણી માંગ છે. જો ખેડૂતો ઇચ્છે તો વધારાની આવક મુજબ ગુલાબનું પ્રોસેસિંગ પણ કરી શકે છે.
• એક એકર ખેતરમાં ગુલાબની ખેતી કરવા માટે, છોડ 6-7 અઠવાડિયામાં નર્સરીમાં તૈયાર થાય છે, ત્યારબાદ છોડને ખેતરમાં રોપવામાં આવે છે.
• જો કે, ખેડૂતો કલમ પદ્ધતિથી ખેતી કરીને સારો નફો મેળવે છે.
• ગુલાબની ખેતી માટે તમામ પ્રકારની જમીન અનુકૂળ છે, પરંતુ નરમ જમીનમાં તેના છોડ ઝડપથી વધે છે અને ફૂલોની ગુણવત્તા પણ સારી હોય છે.
• વરસાદની ઋતુમાં ડ્રેનેજવાળી ગોરાડુ જમીનમાં ગુલાબનું સારું ઉત્પાદન જોવા મળે છે.
• ગુલાબની ખેતી ફક્ત ખુલ્લા મેદાનમાં જ કરવી જોઈએ, કારણ કે ફૂલોને યોગ્ય રીતે ખીલવા માટે ખુલ્લી હવા અને સૂર્યપ્રકાશની જરૂર હોય છે.
• ખુલ્લી હવા અને સૂર્યપ્રકાશમાં ગુલાબના છોડ જંતુઓ અને રોગોથી મુક્ત રહે છે.
• ખેતરમાં જંતુઓ કે રોગોનો ઉપદ્રવ હોય ત્યારે જૈવિક જંતુનાશકોનો છંટકાવ કરવો ફાયદાકારક છે.