Gujarat Agriculture Scheme: ગુજરાત સરકાર આ યોજનામાં ખેડૂતોને આપે છે રૂપિયા 2 લાખની સહાય, જાણો અરજી કરવાની કઈ છે છેલ્લી તારીખ

Gujarat Agriculture News: આ યોજનાનો લાભ લેવા i-khedut પોર્ટલ ઉપર 31 ડિસેમ્બર, 2022 સુધી નોંધણી ચાલુ રહેશે.

ફાઈલ તસવીર

Gujarat Horticulture Scheme: ખેડૂતોની આવક બમણી થાય તે માટે ગુજરાત સરકાર વિવિધ યોજનાઓ ચલાવે છે. રાજ્ય સરકારની વિવિધ યોજનાઓનો લાભ લઈને અનેક ખેડૂતોએ તેમની આવકમાં વધારો કર્યો છે. રાજ્ય સરકારના બાગાયતી વિભાગ અંતર્ગત વિવિધ યોજનાઓમાં કોમ્પ્રીહેન્સીવ હોર્ટિકલચર ડેવલપમેન્ટ કાર્યક્રમ હેઠળ ઉપલબ્ધ સહાયનો લાભ લઇ ખેડૂતો મળખાકીય સુવિધાઓ થકી ઉત્તમ ઉત્પાદન મેળવી શકે છે. આ યોજનાનો લાભ લેવા i-khedut પોર્ટલ ઉપર 31 ડિસેમ્બર, 2022 સુધી નોંધણી ચાલુ રહેશે.

કોમ્પ્રીહેન્સીવ હોર્ટીકલ્ચર ડેવલપમેન્ટ કાર્યક્રમ

• આ યોજનાનો લાભ ખેડૂતો, ખેતીલાયક જમીન ધારણ કરેલા રજિસ્ટર્ડ ટ્રસ્ટ, એફપીઓ, એફપીસી, સહકારી મંડળીના સભાસદો દ્વારા ઓછામાં ઓછા બે હેક્ટર વિસ્તારમાં બહુવર્ષાયુ ફળઝાડનું વાવતેર કર્યું હોય તે લઈ શકે છે.
• આ ઉપરાતં પિયતના સાધનો, બાગાયતી યાંત્રીકરણ, બાગાયતી માળખાકીય સુવિધાઓ, વર્મીકંપોસ્ટ યુનિટ, GAP CERTIFICATION, પ્લાસ્ટીક આવરણ ઘટકોમાં અરજી કરી હોય તે પણ લઈ શકે છે.
• આ યોજના હેઠળ ખેડૂતોને રૂપિયા 2 લાખ કે તેથી વધુ સહાય મળવા પાત્ર છે.

રાજ્ય સરકારના બાગાયતી વિભાગ અંતર્ગત વિવિધ યોજનાઓમાં કોમ્પ્રીહેન્સીવ હોર્ટિકલચર ડેવલપમેન્ટ કાર્યક્રમ હેઠળ ઉપલબ્ધ સહાયનો લાભ લઇ ખેડૂતો મળખાકીય સુવિધાઓ થકી ઉત્તમ ઉત્પાદન મેળવી શકે છે

નોંધણી i-khedut પોર્ટલ ઉપર ૩૧ ડિસેમ્બર, ૨૦૨૨ સુધી ચાલુ રહેશે. pic.twitter.com/nNGmlasG83

— Gujarat Agriculture, Farmer Welfare & Co-op. Dept. (@GujAgriDept) September 19, 2022

વધુ માહિતી માટે કોનો સંપર્ક કરો

જે ખેડૂતો બાગાયત ખાતાની સહાય યોજનાનો લાભ લેવા માંગતા હોય અને કોઈ વધુ માહિતી મેળવવા જોઈતી હોય તે http://ikhedut.gujarat.gov.in  પર મુલાકાત લઈ શકે છે.

બાગાયત ખાતાની વિવિધ યોજનાનો લાભ લેવા કયા પૂરાવાની પડશે જરૂર

• 7-12નો ઉતારો
• 8-અની નકલ
• આધાર કાર્ડ
• બેંક પાસબુક
• રજિસ્ટર્ડ મોબાઈલ નંબર

બાગાયત સબસિડી યોજનાની અરજી કર્યા બાદ પ્રિંટ સાત દિવસમાં બાગાયત અધિકારીને જમા કરાવવાની રહે છે.

ખેડૂતો શું તમે આ જાણો છો

રાજ્યમાં વધુમાં વધુ ખેડૂતો આધુનિક ખેતી અપનાવે અને વધુ નફાકારક બને તે માટે વર્ષ 2015માં ગુજરાત સરકાર દ્વારા પ્રથમ સેન્ટર ઓફ એક્સલેન્સની શરૂઆત કરાઈ હતી. હાલ રાજ્યમાં કુલ 9 સેન્ટર ઓફ એક્સલેન્સ કાર્યરત છે.

આ પણ વાંચોઃ