ગુજરાત સરકારની મોટી જાહેરાત! ખેડૂતોના ખાતામાં આવશે ₹5,000 સહાય અને 75% સબસિડી, જાણો કોને મળશે આ લાભ
ગુજરાતમાં સેન્દ્રીય ખેતીને પ્રોત્સાહન આપવા માટે, સરકાર APEDA માન્ય સંસ્થાઓ દ્વારા સર્ટિફિકેશન કરાવતા ખેડૂતોને નાણાકીય સહાય પૂરી પાડી રહી છે.
Gujarat organic farming subsidy: ગુજરાત સરકાર દ્વારા રાજ્યને રસાયણમુક્ત બનાવવા અને પ્રાકૃતિક તેમજ સેન્દ્રીય ખેતીને વેગ આપવા માટે એક નવી પહેલ શરૂ કરવામાં આવી છે. આ યોજના હેઠળ, જે ખેડૂતો પોતાની સેન્દ્રીય ખેત પેદાશોનું સર્ટિફિકેશન કરાવે છે તેમને ખર્ચના 75% સુધીની સબસીડી મળશે. આ ઉપરાંત, આવા ખેડૂતોને વાર્ષિક ધોરણે પ્રતિ હેક્ટર ₹5,000 ની ઇનપુટ સહાય પણ આપવામાં આવશે. આ યોજનાનો લાભ લેવા માટે ખેડૂતોએ આઇ-ખેડૂત પોર્ટલ પર અરજી કરવાની રહેશે.
ગુજરાતમાં સેન્દ્રીય ખેતીને પ્રોત્સાહન આપવા માટે, સરકાર APEDA માન્ય સંસ્થાઓ દ્વારા સર્ટિફિકેશન કરાવતા ખેડૂતોને નાણાકીય સહાય પૂરી પાડી રહી છે. ગુજરાત ઓર્ગેનિક પ્રોડક્ટ સર્ટિફિકેશન એજન્સી (GOPCO) મારફતે સર્ટિફિકેશન કરાવતા ખેડૂતોને ખર્ચના 75% જેટલી સબસીડી મળશે. જ્યારે અન્ય APEDA માન્ય સંસ્થાઓ પાસેથી સર્ટિફિકેશન કરાવતા ખેડૂતોને ખર્ચના 50% અથવા ₹2,000 પ્રતિ હેક્ટરની મર્યાદામાં સહાય સીધી બેંક ખાતામાં મળશે. આ સાથે, સર્ટિફિકેટ ધરાવતા ખેડૂતોને ₹5,000 પ્રતિ હેક્ટરની વાર્ષિક ઇનપુટ સહાય પણ આપવામાં આવશે.
સર્ટિફિકેશન ખર્ચ પર સહાય
જે ખેડૂતો પોતાની સેન્દ્રીય ખેત પેદાશોને પ્રમાણિત કરાવવા માંગે છે, તેમને સરકાર દ્વારા બે અલગ-અલગ રીતે સહાય આપવામાં આવશે: GOPCO દ્વારા સર્ટિફિકેશન: જો ખેડૂતો APEDA દ્વારા માન્યતા પ્રાપ્ત ગુજરાત ઓર્ગેનિક પ્રોડક્ટ સર્ટિફિકેશન એજન્સી (GOPCO) પાસેથી સર્ટિફિકેશન કરાવે છે, તો તેમને થતા કુલ ખર્ચના 75% સુધીની સહાય મળશે. આ કિસ્સામાં ખેડૂતે માત્ર 25% ખર્ચ જ ભોગવવો પડશે. અન્ય APEDA માન્ય સંસ્થાઓ: જો ખેડૂતો અન્ય કોઈ APEDA માન્ય સંસ્થા પાસેથી સર્ટિફિકેશન કરાવે છે, તો તેમને ખર્ચના 50% અથવા પ્રતિ હેક્ટર ₹2,000 ની મર્યાદામાં સહાય મળશે. આ સહાયની રકમ સીધી ખેડૂતના બેંક ખાતામાં જમા કરવામાં આવશે. આ લાભ મેળવવા માટે ખેડૂતોએ આઇ-ખેડૂત પોર્ટલ પર અરજી કરવાની રહેશે.
વાર્ષિક ઇનપુટ સહાય
સર્ટિફિકેશન ખર્ચ ઉપરાંત, સરકાર સેન્દ્રીય ખેતી કરતા ખેડૂતોને વાર્ષિક ઇનપુટ સહાય પણ પૂરી પાડશે. જે ખેડૂતો પાસે APEDA માન્ય સંસ્થાનું સેન્દ્રીય ખેતીનું સર્ટિફિકેટ છે, તેમને પ્રોત્સાહન સ્વરૂપે પ્રતિ હેક્ટર ₹5,000 ની સહાય મળશે. આ સહાય વધુમાં વધુ 2 હેક્ટરની મર્યાદામાં આપવામાં આવશે અને તે પણ સીધી ખેડૂતોના બેંક ખાતામાં જમા થશે. આ સહાય મેળવવા માટે પણ ખેડૂતોએ આઇ-ખેડૂત પોર્ટલ પર ઓનલાઈન અરજી કરવી ફરજિયાત છે.
અરજી કરવાની પ્રક્રિયા
આ બંને પ્રકારની સહાયનો લાભ લેવા માટે રાજ્યના તમામ ખેડૂતોને ખેતી નિયામકની કચેરી દ્વારા અપીલ કરવામાં આવી છે કે તેઓ આઇ-ખેડૂત પોર્ટલ પર અરજી કરે. આ પોર્ટલ રજીસ્ટ્રેશન અને સહાય માટેની અરજીઓ સ્વીકારવા માટે સતત ખુલ્લું રાખવામાં આવ્યું છે, જેથી વધુમાં વધુ ખેડૂતો આ યોજનાનો લાભ લઈ શકે.
ટોપ સ્ટોરી
ટ્રેન્ડિંગ સમાચાર
