અમદાવાદઃ ધો-10ના વિદ્યાર્થીએ પ્રેમપ્રકરણમાં ગુમાવ્યો જીવ, જાણો કેવી ક્રુરતાથી કરાઇ હત્યા?

આ હત્યા અંગે બાપુનગર પોલીસ સ્ટેશનના પીઆઇ બી.સી.જાડેજાએ જણાવ્યું કે, પરેશ પોતાની બેન સાથે આડા સંબંધો ધરાવતો હોવાનો વહેમ આરોપી મોહસીનને હતો. એટલે તેણે પરેશને ધમકી પણ આપી હતી. બુધવારે સવારે પરેશ નાસ્તો લઇને ઘર તરફ જતો હતો. ત્યારે મોહસીન મોંઢે રૂમાલ બાંધીને આવ્યો હતો અને પરેશના ગળે અને ડાબા હાથે ચપ્પાના ઘા મારી ભાગી ગયો હતો.

આ અંગેની વિગત એવી છે કે, બાપુનગરના હરદાસનગરની ચાલીમાં રહેતો પરેશ ધોરણ-10માં ભણે છે અને બે વાર નાપાસ થયો છે. તેને તેના જ વિસ્તારની એક મુસ્લિમ સાથે પ્રેમસંબંધ હતા, જેની જાણ તેના ભાિ મોહસીનખાન આદિલખાન પઠાણને થઈ જતાં તે ઉશ્કેરાઇ ગયો હતો અને સવારે મોંઢે રૂમાલ બાંધીને પરેશની હત્યા કરીને ભાગી ગયો હતો.