અમદાવાદઃ 'તારી છોકરી કે બીજી કોઈ સાથે મારું સેટિંગ કરાવી દે', મહિલાએ ઇનકાર કરતાં શું થયું?

આ અંગેની વિગત એવી છે કે, રામાપીરના ટેકરામાં મહિલા તેના બાળકો સાથે રહે છે. દરમિયાન ગત 22મી માર્ચની રાતે મહિલા બાળકો સાથે ઘરમાં સૂતી હતી ત્યારે ભરત કાઠિયાવાડી તેના મિત્રો મહેશ ઉર્ફે બટકો કાઠિયાવડી, રાજુ કાઠિયાવાડી અને ગૌતમ બારોટ સાથે મહિલના ઘરે આવ્યા હતા. ભરતે મહિલાને તેની પુત્રી કે અન્ય કોઈ યુવતી સાથે સેટિંગ કરાવી દેવાનું જણાવ્યું હતું.

અમદાવાદઃ શહેરના વાડજ વિસ્તારમાં આવેલા રામાપીરના ટેકરા વિસ્તારમાં રહેતી મહિલા પર યુવકે બળાત્કાર ગુજાર્યો હોવાની ઘટના સામે આવતાં ચકચાર મચી ગઈ છે. યુવકે પહેલા તેની દીકરી કે પછી કોઈ અન્ય યુવતી સાથે સેટિંગ કરાવી દેવાની માગણી કરી હતી. જોકે, મહિલાએ ઇનકાર કરતાં યુવકે મહિલા પર બળાત્કાર ગુજારી હવસ સંતોષી હતી.

ત્રણ કલાક પછી એક વ્યક્તિએ મહિલાને હવસખોરની ચુંગાલમાંથી છોડાવી હતી. ત્યારે ભરતે ફરિયાદ નહીં કરવાની ધમકી આપી હતી. આ ઘટનાના 20 દિવસ બાદ ફરીથી ભરત રાતે ઘરે આવ્યો હતો અને બાજુની ઓરડીમાં લઈ જઈને મહિલા પર બળાત્કાર ગુજાર્યો હતો.

યુવક મહિલા પર એકવાર બળાત્કાર ગુજાર્યા પછી અટક્યો નહોતો. તેણે 20 દિવસ પછી ફરીથી મહિલા પર બળાત્કાર ગુજારતા અંતે ભોગ બનનાર મહિલા પોલીસ સ્ટેશનમાં ફરિયાદ કરવા પહોંચી હતી. મહિલાની ફરિયાદને આધારે પોલીસે બળાત્કાર ભરત કાઠિયાવાડી અને તેની મદદગારી કરનાર અન્ય ત્રણ યુવકોની ધરપકડ કરીને વધુ કાર્યવાહી હાથ ધરી છે.

જોકે, મહિલાએ આવું કરવાનો ઇનકાર કરી દેતા ભરત મહિના ઘરમાંથી ઉપાડી બાજુના ઘરની ઓરડીમાં લઈ ગયો હતો. બીજી તરફ તેના મિત્રોએ ઓરડી બહારથી બંધ કરી દીધી હતી. જ્યાં ભરતે મહિલાની મરજી વિરુદ્ધ બળાત્કાર ગુજાર્યો હતો. મહિલાએ હવસખોર પાસેથી છૂટવા ધમપછાડા અને બૂમાબૂમ કરવા છતા કોઈ બચાવવા આવ્યું નહોતું.