અમદાવાદઃ યુવતીએ સેક્સની ના પાડતાં પતિએ કર્યું એવું કૃત્ય કે જે સાંભળીને થથરી જશો, જાણો વિગત

અમદાવાદ: વટવા વિસ્તારમાં પરીણિત યુવતીના પતિએ યુવતી સાથે સેક્સ માણવાની ઈચ્છા વ્યક્ત કરી હતી પણ યુવતીએ સેક્સનો ઈન્કાર કરતાં પતિએ મોડી રાતે પતિએ પત્નીને ઠંડા પીણામાં એસિડ ‌પિવડાવી દીધો હતો. પછી તેના શરીર પર એસિડ એટેક કરીને ફરાર થઇ જતાં મામલો પોલીસ સ્ટેશન સુધી પહોંચ્યો છે.

એક્ઝિક્યુટીવ મેજીસ્ટ્રેટ સમક્ષ નિવેદન આપતા સઇદાબાનુએ જણાવ્યું છે કે મોડી રાતે ઇમરાનને સેક્સ કરવાની ના પડાતાં તેને ઠંડા પીણામાં એસિડ નાખીને પીવડાવી દીધું હતું ત્યારે શરીરના ભાગે એસિડ છાંટીને ફરાર થઇ ગયા હતા. વટવા પોલીસ પતિ ઇમરાન વિરુદ્ધમાં હત્યાની કોશિશની ફરિયાદ દાખલ કરીને તપાસ શરૂ કરી છે.

સઇદાબાનુની ત‌િબયત નાજુક હોવાથી તેને આઇસીયુમાં રાખવામાં આવી છે. ઘટનાની જાણ વટવા પોલીસને થતાં તેઓ તાત્કા‌લિક ઘટના સ્થળે પહોંચી ગયા હતા. એક્ઝિક્યુટીવ મેજીસ્ટ્રેટે પણ હોસ્પિટલમાં સઇદાબાનુનું નિવેદન લીધું હતું. એક્ઝિક્યુટીવ મેજીસ્ટ્રેટ સમક્ષ સીધાએ આપેલું નિવેદન સાંભળીને બધા ચોંકી ગયા હતા.

સઈદાબીબી ૧પ દિવસ પહેલા દુબઇથી અમદાવાદ આવી હતી અને તેના પતિના ઘરે રહેતી હતી. 20 ઓક્ટોબરના રોજ વહેલી પરોઢે પાંચેક વાગ્યાની આસપાસ સઇદા ઘરમાંથી દાઝેલી હાલતમાં મળી આવી હતી. તેને 108 ઇમરજન્સી એમ્બ્યુલન્સ મારફતે વીએસ હોસ્પિટલમાં સારવાર અર્થે ખસેડવામાં આવી હતી.

વટવા વિસ્તારમાં આવેલ વસંત ગજેન્દ્ર ગડકરનગરમાં રહેતા હમીદાબીબી ગુલામદસ્તગીરી શેખે વટવા પોલીસ સ્ટેશનમાં તેના જમાઇ વિરુદ્ધમાં ફરિયાદ કરી છે. હમીદાબીબીની પુત્રી સઇદાના લગ્ન 12 વર્ષ પહેલા ઇમરાન સાબીરભાઇ શેખ સાથે થયા હતા. સઇદાબાનુ બે વર્ષના કોન્ટ્રાક્ટ પર દુબઇ ખાતે નોકરી કરવા માટે ગઇ હતી.