સ્વામીનારાયણ સીડી કાંડઃ છ સાધુની સેક્સ માણતી સીડી ઉતરેલી, ભક્તિસ્વરૂપ પાસેથી કામસૂત્ર-કોન્ડોમ-ન્યુડ ફોટો, પોર્ન સામગ્રી મળેલી

આ કેસમાં પછીથી ત્રણ સાધુઓ સામે પણ કેસ થયો હતો. જો કે કોર્ટે પછીથી ભક્તિસ્વરૂપ સ્વામી સહિત ચારેય આરોપીને પણ છોડી મૂક્યા હતા. આ કેસમાં ક્રાઈમ બ્રાંચે કરેલી તપાસની પણ કોર્ટે ઝાટકણી કાઢી હતી. પોલીસે એક જૂથની તરફદારી કરીને પક્ષપાતી તપાસ કરી હોવાની ટીકા પણ ચુકાદામાં કરી હતી.

સેક્સ સીડીમાં દેખાતા ચાર પૈકી એક જૂનાગઢ સ્વામિનારાયણ મંદિરના સ્વામી ભક્તિસ્વરૂપ હતા. બીજા અમદાવાદના સ્વામી હરિકૃષ્ણ હતા. એક સાધુ સુરતના અને એક ભરૂચના હતા. આ ચારેય સાધુ પણ નૌતમ સ્વામી જૂથના હતા અને તેમને પણ કોલગર્લ્સ મોકલીને ફસાવાયા હોવાનો બચાવ કરાયો હતો.

ક્રાઈમ બ્રાંચના એસીપી તરીકે ડી.જી. વણઝારા હતા. તેમણે તરત જ કાર્યવાહી કરીને આ સીડીના કેસમાં ભક્તિસ્વરૂપ સહિત ચાર લોકોને ઝડપી લીધા હતા. પોલીસે એ વખતે ભક્તિસ્વરૂપ પાસેથી યુવતીઓની નગ્ન તસવીરો, પોર્નોગ્રાફિક મટીરિયલ. કોન્ડોમ, કામસૂત્ર બુક વગેરે મળી આવ્યાં હતાં.

આ મામલે અમદાવાદ ક્રાઈમ બ્રાંચમાં ફરિયાદ નોંધાઈ હતી. આ તપાસ ચાલતી હતી ત્યાં 29 જાન્યુઆરી, 2005ના રોજ ક્રાઈમ બ્રાંચને એક નનામો પત્ર મળ્યો. તેમાં આક્ષેપ કરાયો હતો કે સ્વામિનારાયણ સંપ્રદાયના ચાર સાધુઓને મહિલાઓ સાથે સેક્સ માણતા દર્શાવતી સીડીઓ લોકોમાં વહેંચાઈ રહી છે.

સીડી બહાર આવતાં બંને સાધુ મંદિરને તાળાં મારીને ફરાર થઈ ગયા હતા. બંને સાધુ વડતાલ સ્વામિનારાયણ મંદિરના નૌતમ સ્વામી જૂથના હતા. નૌતમ સ્વામીએ આક્ષેપ મૂક્યો હતો કે અજેન્દ્રપ્રસાદ જૂથે કોલગર્લને પૈસા આપીને મોકલી હતી અને બંને સાધુને ફસાવાયા છે કે જેથી તેમના જૂથને બદનામ કરી શકાય.

આ સેક્સ સીડી કાંડ 2004-05માં ગાજ્યો હતો. ઓક્ટોબર 2004માં અમદાવાદના એક અખબારે આ સેક્સ સીડીનો અહેવાલ છાપ્યો ને ખળભળાટ મચ્યો હતો. સેક્સ સીડીમાં ડભોઈ સ્વામિનારાયણ મંદિરના બે સાધુ એક વેશ્યા સાથે સેક્સ માણતા દેખાતા હતા. આ સીડી ત્રણ વર્ષે પહેલાં ઉતારાઈ હોવાની વાત બહાર આવી હતી.

અમદાવાદઃ વડતાલ સ્વામીનારાયણ સંપ્રદાયને હચમચાવી દેનારા સેક્સ સીડી કાંડમાં 11 વર્ષ પછી અંતે અજેન્દ્રપ્રસાદ પાંડે કોર્ટ સામે શરણાગતિ સ્વીકારવા તૈયાર થયા છે ત્યારે આ સેક્સ કાંડને લગતી ઘટનાઓ કોઈ ફિલ્મની વાર્તાને પણ ટક્કર મારે તેવી છે.