ફક્ત 7.90 લાખ રૂપિયામાં લોન્ચ થઈ નવી Hyundai Venue, જાણો ફીચર્સ અને વેરિઅન્ટ્સ
Hyundai Venue Launching: હ્યુન્ડાઇ મોટર ઇન્ડિયાએ 4 નવેમ્બર, 2025ના રોજ ભારતમાં નવી હ્યુન્ડાઇ વેન્યુ લોન્ચ કરી છે
Hyundai Venue Launching: હ્યુન્ડાઇ મોટર ઇન્ડિયાએ 4 નવેમ્બર, 2025ના રોજ ભારતમાં નવી હ્યુન્ડાઇ વેન્યુ લોન્ચ કરી છે. આ કાર હવે અગાઉ કરતા મોટી અને આકર્ષક બની ગઈ છે. જોકે તે હજુ પણ ચાર મીટરની અંદર છે પરંતુ તેનો લૂક અગાઉ કરતા વધુ આકર્ષક છે. નવી હ્યુન્ડાઇ વેન્યુમાં શાર્પ લાઈન, નવી ગ્રીલ, સ્કિડ પ્લેટ, 16 ઈંચના એલોય વ્હીલ્સ અને એલ શેપ્ડ રિફ્લેક્ટર સાથે ફુલ લાઈન બાર આપવામાં આવ્યો છે.
કારમાં આ ફીચર્સ મળે છે
હ્યુન્ડાઇ એન લાઇન વર્ઝનમાં સ્પોર્ટી ડિઝાઇન છે, જેમાં 17-ઇંચ એલોય વ્હીલ્સ અને ડ્યુઅલ એક્ઝોસ્ટ ટિપ્સનો સમાવેશ થાય છે. કેબિન સંપૂર્ણપણે નવું છે, જે વધુ પ્રીમિયમ અનુભવ આપે છે. સ્ટીયરિંગ વ્હીલ અને 8-ઇંચ ટચસ્ક્રીનને પાછલા મોડેલમાંથી દૂર કરવામાં આવ્યા છે. તેમાં હવે બે 12.3-ઇંચ સ્ક્રીન (ડિજિટલ ક્લસ્ટર અને ઇન્ફોટેનમેન્ટ), નવી સ્ટીયરિંગ વ્હીલ ડિઝાઇન અને મોર્સ કોડ લોગો છે. ગાડીનું બટન અને કંન્ટ્રોલ્સની ક્વોલિટી શાનદાર છે. આ સાથે જ ઈલેક્ટ્રિક પાર્કિંગ બ્રેક પણ છે.
નવી Hyundai Venueની ઇન્ફોટેનમેન્ટ સિસ્ટમમાં OTA અપડેટ્સ, વાયરલેસ Apple CarPlay/Android Auto અને ccNC સિસ્ટમનો સમાવેશ થાય છે. તે સિવાય 360° કેમેરા, વેન્ટિલેટેડ સીટ્સ, ડ્રાઈવરની પાવર સીટ, સિંગલ-પેન સનરૂફ, બોસ 8-સ્પીકર્સ, રીઅર સનબ્લાઇન્ડ, લેવલ 2 ADAS, બ્લાઇન્ડ-વ્યૂ મોનિટર અને છ એરબેગ્સનો સમાવેશ થાય છે.
નવી હ્યુન્ડાઇ વેન્યુની પાવરટ્રેન
નવી વેન્યૂમાં અગાઉની જેમ 1.2-લિટર પેટ્રોલ એન્જિન (મેન્યુઅલ) છે. જ્યારે 1.0-લિટર ટર્બો પેટ્રોલ એન્જિન હવે DCT ઓટોમેટિક અને મેન્યુઅલ બંનેમાં આવે છે. 1.5-લિટર ડીઝલ એન્જિન હવે ટોર્ક કન્વર્ટર ઓટોમેટિક સાથે ઉપલબ્ધ છે. N લાઇન વર્ઝનમાં 120-bhp ટર્બો એન્જિન છે, જે તેને વધુ સ્પોર્ટી બનાવે છે.
નવી હ્યુન્ડાઇ વેન્યુ હવે પહેલા કરતાં વધુ પ્રીમિયમ, ફીચર-રિચ અને સ્ટાઇલિશ છે. તે હવે વધુ સારુ ઇન્ટિરિયર, શાનદાર ટેકનોલોજી અને અનેક એન્જિન વિકલ્પો પ્રદાન કરે છે. તેના દેખાવ, ઇન્ટિરિયર ગુણવત્તા અને મૂલ્ય સાથે તે આ સેગમેન્ટમાં મજબૂત દાવેદાર સાબિત થઈ શકે છે. કિંમત હાલમાં 7.90 લાખ રૂપિયાથી શરૂ થાય છે અને સાત વેરિઅન્ટમાં ઉપલબ્ધ છે.
ટોપ સ્ટોરી
ટ્રેન્ડિંગ સમાચાર
