હરતો-ફરતો મહેલ છે શાહરુખ ખાનની નવી Cadillac Escalade! કારના ફિચર્સ જાણીને ઉડી જશે હોંશ

Shahrukh Khan New SUV: આ SUV એક શક્તિશાળી 6.2-લિટર V8 પેટ્રોલ એન્જિનથી સજ્જ છે જે લગભગ 680 હોર્સપાવર સુધી જનરેટ કરવામાં સક્ષમ છે. વધુમાં તેમાં 10-સ્પીડ ઓટોમેટિક ટ્રાન્સમિશન છે.

Cadillac Escalade

Source : social media

Show Quick Read

Key points generated by AI, verified by newsroom

• શાહરૂખ ખાને વિદેશથી Cadillac Escalade SUV મંગાવી છે.
• SUV ભારતમાં સત્તાવાર રીતે ઉપલબ્ધ નથી, કિંમત 5 કરોડથી વધુ.
• આ SUV 38-ઇંચ ડિસ્પ્લે, 36-સ્પીકર ઓડિયો સિસ્ટમ સાથે આવે છે.
• 6.2-લિટર V8 એન્જિન, 680 HP પાવર, 10-સ્પીડ ઓટોમેટિક ટ્રાન્સમિશન.

Shahrukh Khan New SUV: બોલિવૂડના બાદશાહ શાહરુખ ખાન ફરી એકવાર પોતાની લક્ઝરી લાઈફસ્ટાઈલને લઈને ચર્ચામાં છે. આ વખતે કારણ તેમની નવી સુપર લક્ઝરી SUV છે, જે તેમણે વિદેશથી ભારત મંગાવી છે. શાહરૂખ ખાને પોતાના કાર કલેક્શનમાં અમેરિકન કંપની Cadillac ની અત્યંત શાનદાર અને પાવરફુલ SUV Cadillac Escalade ને સામેલ કરી છે. આ SUV ભારતમાં બહુ ઓછા લોકો પાસે છે અને તેની કિંમત 5 કરોડ રૂપિયાથી પણ વધુ હોવાનું કહેવાય છે.

 

આ SUV ભારતમાં સત્તાવાર રીતે વેચાણ માટે ઉપલબ્ધ નથી. તેથી શાહરૂખ ખાને તેને ખાસ વિદેશથી ઈમ્પોર્ટ કરાવી છે. ભારે ઈમ્પોર્ટ ડ્યુટી, ટેક્સ અને કસ્ટમાઈઝેશનને કારણે ભારતમાં તેની કિંમત ઘણી વધી જાય છે. આ ગાડીને ભારતીય રસ્તાઓ મુજબ તૈયાર કરવા માટે તેમાં રાઈટ હેન્ડ ડ્રાઈવ જેવા અનેક ફેરફારો પણ કરવામાં આવ્યા છે.

કયા ખાસ ફીચર્સથી સજ્જ છે આ SUV?

Cadillac Escalade ને વિશ્વની સૌથી મોટી અને દમદાર લક્ઝરી SUVs માં ગણવામાં આવે છે. તેનો રોડ પ્રેઝન્સ એટલો જબરદસ્ત છે કે રસ્તા પર ચાલતા જ લોકોનું ધ્યાન પોતાની તરફ ખેંચી લે છે. આ SUV અંદરથી કોઈ ફાઈવ સ્ટાર હોટલ જેવી લાગે છે. તેમાં 7 થી 8 લોકો આરામથી બેસી શકે છે અને મુસાફરો માટે અત્યંત પ્રીમિયમ સુવિધાઓ આપવામાં આવી છે.

ફીચર્સની વાત કરીએ તો, તેમાં 38 ઇંચનું મોટું કર્વ્ડ OLED ડિસ્પ્લે, 36-સ્પીકરવાળી પ્રીમિયમ ઓડિયો સિસ્ટમ, નાઈટ વિઝન, હેડ-અપ ડિસ્પ્લે, એડવાન્સ નેવિગેશન સિસ્ટમ, સુપર ક્રૂઝ કંટ્રોલ અને એર સસ્પેન્શન જેવી ઘણી આધુનિક ટેકનોલોજી આપવામાં આવી છે. આ જ કારણ છે કે તેને વિશ્વની સૌથી લક્ઝરી SUVs માં ગણવામાં આવે છે. સોશિયલ મીડિયા પર કિંગ ખાનની નવી SUV ના ફોટા અને વીડિયો ઝડપથી વાયરલ થઈ રહ્યા છે.

ગાડીની સ્પીડ અને પાવરફુલ એન્જિન

આ SUV માં 6.2 લીટરનું પાવરફુલ V8 પેટ્રોલ એન્જિન મળે છે, જે લગભગ 680 હોર્સપાવર સુધીની પાવર જનરેટ કરી શકે છે. તેની સાથે 10-સ્પીડ ઓટોમેટિક ટ્રાન્સમિશન આપવામાં આવ્યું છે. આ એક ભારે-ભરખમ SUV હોવા છતાં તે ખૂબ જ ઝડપી છે અને માત્ર થોડી સેકન્ડોમાં 100 કિલોમીટર પ્રતિ કલાકની ઝડપ પકડી શકે છે.

કાર કલેક્શનમાં પહેલેથી જ હાજર છે આ ગાડીઓ

શાહરૂખ ખાન પાસે પહેલેથી જ Rolls-Royce Cullinan, Bentley Continental GT, BMW i8, Mercedes-Benz S-Class અને Range Rover જેવી ઘણી મોંઘી કારો છે. હવે Cadillac Escalade ના જોડાવાથી તેમનું કાર કલેક્શન વધુ શાનદાર બની ગયું છે.

આ પણ વાંચો

Traffic Rules: તમારી કઈ ભૂલને કારણે ટ્રાફિક પોલીસ ઉઠાવી જાય છે તમારુ વાહન, જાણીલો તમામ નિયમો

Car Safety Tips: કારમાં કેમ આવે છે કટ-કટનો અવાજ, અવગણશો તો થશે મોટું નુકસાન