Ather એ દમદાર ફીચર્સ સાથે લોન્ચ કર્યું નવું ઇલેક્ટ્રિક સ્કૂટર, કિંમત 80 હજારથી પણ ઓછી

એથર દ્વારા ઇન-હાઉસ તૈયાર કરવામાં આવેલી એડવાન્સ્ડ ઇલેક્ટ્રોનિક બ્રેકિંગ સિસ્ટમ (AeBS) રસ્તાની સ્થિતિના આધારે આગળ અને પાછળના પૈડાં વચ્ચે બ્રેકિંગ ફોર્સને આપમેળે એડજસ્ટ કરે છે.

એથર કોનાર્ક

Source : social media

Show Quick Read

Key points generated by AI, verified by newsroom

• Ather Energyએ દિલ્હીમાં નવું 'કોનાર્ક' સ્કૂટર ₹79,999માં લોન્ચ કર્યું.
• 200km રેન્જ, Bedrock બેટરી, AeBS, Airwalk જેવી આધુનિક સુવિધાઓ છે.
• મેટલ બોડી, સ્ટીલ ચેસિસ ભારતીય રસ્તાઓ માટે ખાસ ડિઝાઇન કરાયું.

Ather Electric Scooter: ભારતની અગ્રણી ઇલેક્ટ્રિક ટૂ-વ્હીલર કંપની એથર એનર્જીએ દિલ્હીમાં પોતાનું નવું ઇલેક્ટ્રિક સ્કૂટર કોનાર્ક લોન્ચ કર્યું છે. એથરના નવા EL પ્લેટફોર્મ પર આધારિત આ નવા સ્કૂટર કોનાર્કને રોજિંદી રાઇડિંગને વધુ સારી બનાવવા માટે ડિઝાઇન કરવામાં આવ્યું છે. કોનાર્ક S અને Z પ્રોડક્ટ લાઇન હેઠળ 6 વેરિઅન્ટ્સમાં ઉપલબ્ધ છે, જેમાં 200 કિમી સુધીની IDC રેન્જ મળે છે. એથરે પોતાના નવા સ્કૂટરની શરૂઆતની કિંમત ₹79,999 નક્કી કરી છે. કોનાર્કનું સર્વિસ ઇન્ટરવલ 10,000 કિમી અથવા લગભગ 1 વર્ષ (જે પણ પહેલા આવે તે) રહેશે, જે મોટાભાગના રાઇડર્સ માટે ખૂબ જ સુવિધાજનક છે.

 

બેડરોક બેટરીથી સજ્જ કોનાર્ક

કોનાર્કના તમામ વેરિઅન્ટ એથરની પાંચમી જનરેશનની બેડરોક બેટરીથી સજ્જ છે. સ્કૂટર સાથે 70% હેલ્થ ગેરંટી સાથે 10 વર્ષ અથવા 1,00,000 કિમી (જે પણ પહેલા આવે તે)ની એક્સટેન્ડેડ બેટરી વોરંટી પણ ઓફર કરવામાં આવી રહી છે. આ સ્કૂટરમાં રોજિંદી રાઇડિંગને ધ્યાનમાં રાખીને અનેક શાનદાર ટેક્નોલોજી અને ફીચર્સ આપવામાં આવ્યા છે, જેમાં નવી એડવાન્સ્ડ ઇલેક્ટ્રોનિક બ્રેકિંગ સિસ્ટમ (AeBS), મેજિક-કી, ઓટોપોપ અને એરવોક સામેલ છે. એથર દ્વારા ઇન-હાઉસ તૈયાર કરવામાં આવેલી એડવાન્સ્ડ ઇલેક્ટ્રોનિક બ્રેકિંગ સિસ્ટમ (AeBS) રસ્તાની સ્થિતિના આધારે આગળ અને પાછળના પૈડાં વચ્ચે બ્રેકિંગ ફોર્સને આપમેળે એડજસ્ટ કરે છે. આ ઉપરાંત, બ્રેકિંગ પરફોર્મન્સ અને સ્થિરતા વધારવા માટે તે રિજનરેટિવ બ્રેકિંગનો પણ ઉપયોગ કરે છે.

એરવોક ફીચરથી સ્કૂટર પાર્ક કરવું થશે સરળ

મેજિક-કીની મદદથી સ્માર્ટવેક, ઓટોમેટિક લોકિંગ અને રિમોટ સ્કૂટર લોકેશન જેવા ફીચર્સ સાથે કીલેસ અનુભવ મળે છે. ઓટોપોપ ફીચર સીટની નીચે આપવામાં આવેલા સ્ટોરેજને સરળતાથી હાથ લગાવ્યા વગર ખોલવાની સુવિધા આપે છે. જ્યારે, એરવોક તંગ પાર્કિંગની જગ્યામાં સ્કૂટરને મેન્યુઅલી ખસેડવા માટે હળવા મોટર ટોર્કનો ઉપયોગ કરે છે, જેના કારણે સ્કૂટર પાર્ક કરવું સરળ બની જાય છે. કોનાર્ક ઇન્ટિગ્રેટેડ ઓનબોર્ડ ચાર્જર અને ચાર્જિંગ કેબલ સાથે આવે છે. આ ઉપરાંત, ઓપ્શનલ 450W ઓફબોર્ડ ચાર્જરને બિલ્ટ-ઇન 450W ચાર્જર સાથે જોડીને કન્બાઇન્ડ ચાર્જિંગ દ્વારા 900Wની પાવર મેળવી શકાય છે, જેના કારણે ઘરે ચાર્જ કરવાનો સમય અડધો થઈ જાય છે. એથર કોનાર્કમાં મેટલ બોડી આપવામાં આવી છે. આ ઉપરાંત, તેમાં ફાસ્ટ હોમ ચાર્જિંગ જેવા શાનદાર ફીચર્સ આપવામાં આવ્યા છે. મેટલ બોડી, 200 કિમી સુધીની રેન્જ અને ફાસ્ટ હોમ ચાર્જિંગ તેના મુખ્ય ફીચર્સમાં સામેલ છે.

સ્કૂટરમાં મળશે 14 ઇંચનું ફ્રન્ટ એલોય વ્હીલ

દેશમાં ઝડપથી વધી રહેલી ઇલેક્ટ્રિક વાહનોની માંગ વચ્ચે એથરે કોનાર્કને સ્ટેબિલિટી, કમ્ફર્ટ અને રોજિંદા ઉપયોગને ધ્યાનમાં રાખીને ભારતીય રસ્તાઓ પ્રમાણે તૈયાર કર્યું છે. તેમાં 14 ઇંચનું ફ્રન્ટ એલોય વ્હીલ, 12 ઇંચનું રિયર એલોય વ્હીલ, 1,352 MMનું વ્હીલબેઝ અને બંને તરફ લોંગ-ટ્રાવેલ સસ્પેન્શન આપવામાં આવ્યું છે. આ એથરનું પહેલું સ્કૂટર છે, જેના પાછળના ભાગમાં મેટલ પેનલ અને સ્ટીલ યુનિબોડી ચેસિસનો ઉપયોગ કરવામાં આવ્યો છે. જ્યારે, તેનું સિક્વેન્શિયલ ગિયર-ડ્રાઇવ ટ્રાન્સમિશન ખૂબ જ સ્મૂધ અને અવાજ વગરની શાનદાર પાવર ડિલિવરી આપે છે.

દિલ્હીના ગ્રાહકો માટે નક્કી કરવામાં આવેલી આકર્ષક કિંમત

એથર એનર્જીના CBO, રવનીત એસ. ફોકેલાએ કહ્યું, "₹79,999ની કિંમતે તેનું લોન્ચિંગ દિલ્હીના ગ્રાહકો માટે તેને વધુ આકર્ષક બનાવે છે, જેના કારણે આ પરિવર્તનને વધુ વેગ મળશે. અમને વિશ્વાસ છે કે કોનાર્ક અહીં અમારી હાજરીને મજબૂત કરવામાં અને દેશમાં ઇલેક્ટ્રિક મોબિલિટી અપનાવવાની ગતિને તેજ કરવામાં મહત્વની ભૂમિકા ભજવશે."

આ પણ વાંચો

નવી Tata Aeris લોન્ચ, જાણો ફીચર્સથી લઈને કિંમત સુધીની તમામ વિગતો

24 Km માઈલેજ, 5 સ્ટાર સેફ્ટી, કિંમત 9.39 લાખથી શરુ, ADAS સાથે આવતી સૌથી સસ્તી કાર