દિવાળી પર SUV સેગમેન્ટમાં મોટો ધમાકો, લોન્ચ થશે 2 પાવરફુલ હાઇબ્રિડ SUV
Upcoming Hybrid SUVs Diwali 2026: આ દિવાળીએ બે નવી હાઇબ્રિડ SUV લોન્ચ થશે. કિયા સોરેન્ટો અને રેનો ડસ્ટર હાઇબ્રિડની વિશેષતાઓ, એન્જિન અને કિંમત વિશે જાણો, જે તમારી મુસાફરીને આર્થિક અને શક્તિશાળી બંને બનાવશે.
Upcoming Hybrid SUVs Diwali 2026: દિવાળી 2026 દરમિયાન ભારતીય ઓટોમોબાઇલ બજારમાં બે નવી હાઇબ્રિડ SUV લોન્ચ થવા જઈ રહી છે. કિયા સોરેન્ટો હાઇબ્રિડ અને રેનો ડસ્ટર હાઇબ્રિડ પોતાના આધુનિક ફીચર્સ, શક્તિશાળી એન્જિન અને વધુ માઇલેજ સાથે ગ્રાહકોને આકર્ષવા તૈયાર છે.
દર વર્ષની જેમ આ વર્ષે પણ દિવાળીના તહેવાર દરમિયાન ભારતીય ઓટોમોબાઇલ બજારમાં નવા વાહનોની ધૂમ જોવા મળશે. જો તમે નવી અને પ્રીમિયમ SUV ખરીદવાનું વિચારી રહ્યા છો, તો દિવાળી સુધી રાહ જોવી ફાયદાકારક સાબિત થઈ શકે છે. કારણ કે, આ સમયગાળા દરમિયાન બે નવી હાઇબ્રિડ SUV ભારતીય બજારમાં પ્રવેશ કરવા જઈ રહી છે.
તેમાં પ્રથમ છે કિયાની પ્રીમિયમ 7-સીટર SUV સોરેન્ટો, જે ઓક્ટોબર 2026 સુધીમાં લોન્ચ થઈ શકે છે. જ્યારે બીજી છે રેનો ડસ્ટર હાઇબ્રિડ, જે નવેમ્બર 2026 સુધીમાં ભારતીય શોરૂમમાં પહોંચવાની સંભાવના છે. ચાલો જાણીએ બંને SUVની ખાસિયતો વિશે.
કિયા સોરેન્ટો હાઇબ્રિડ: લક્ઝરી અને પાવરનું પરફેક્ટ કોમ્બિનેશન
કિયા ઈન્ડિયા પોતાની પ્રીમિયમ 7-સીટર SUV સોરેન્ટો સાથે ભારતમાં પ્રથમ હાઇબ્રિડ મોડલ રજૂ કરવા જઈ રહી છે. કેટલીક પસંદગીની ડીલરશિપ્સ પર તેની અનઔપચારિક બુકિંગ પણ શરૂ થઈ ગઈ હોવાનું જાણવા મળે છે.
માહિતી મુજબ, આ SUV ડીઝલ એન્જિન ઉપરાંત સ્ટ્રોંગ હાઇબ્રિડ એન્જિન વિકલ્પ સાથે ઉપલબ્ધ થશે. તેની સંભાવિત એક્સ-શોરૂમ કિંમત 40 લાખથી 50 લાખ રૂપિયા વચ્ચે હોઈ શકે છે.
ફીચર્સની વાત કરીએ તો તેમાં ડ્યુઅલ 12.3 ઇંચ ડિસ્પ્લે, વેન્ટિલેટેડ સીટ્સ, પેનોરામિક સનરૂફ અને લેવલ-2 ADAS જેવા અદ્યતન સલામતી ફીચર્સ આપવામાં આવશે.
રેનો ડસ્ટર હાઇબ્રિડ પણ કરશે જોરદાર વાપસી
ભારતીય ગ્રાહકોમાં લોકપ્રિય રહેલી રેનો ડસ્ટર હવે નવા અવતારમાં હાઇબ્રિડ ટેક્નોલોજી સાથે ફરી એકવાર બજારમાં પરત આવી રહી છે. કંપનીએ પુષ્ટિ કરી છે કે ડસ્ટર હાઇબ્રિડમાં 1.8-લિટર પેટ્રોલ એન્જિન મળશે, જે બે ઇલેક્ટ્રિક મોટર્સ સાથે મળીને કામ કરશે.
આ SUVમાં 1.4kWh બેટરી પેક આપવામાં આવશે, જેના કારણે વધુ સારું માઇલેજ મળવાની અપેક્ષા છે. નવી ડસ્ટરનો લુક વધુ મસ્ક્યુલર અને આકર્ષક હશે, જ્યારે તેના ઇન્ટીરિયરમાં પણ આધુનિક અને પ્રીમિયમ ફીચર્સ આપવામાં આવશે.
આ SUVની સંભાવિત કિંમત 18 લાખથી 21 લાખ રૂપિયા વચ્ચે હોઈ શકે છે.
ટોપ સ્ટોરી
ટ્રેન્ડિંગ સમાચાર
