Car Tips: સાવધાન, પાણીની બોટલથી કારમાં લાગી શકે છે આગ, જાણો કેવી રીતે
Car Tips and Tricks: કારમાં આગ લાગવાના અનેક બનાવો પ્રકાશમાં આવી રહ્યા છે. તેની પાછળ ઘણા કારણો હોઈ શકે છે, જેમાંથી એક પાણીની બોટલ હોઈ શકે છે. આ અકસ્માતોથી બચવા સાવધાન રહેવું જોઈએ.
Car Care Tips: કાર ચલાવતી વખતે અથવા કાર પાર્ક કરતી વખતે ઘણી સાવચેતી રાખવાની જરૂર છે. કારમાં બેસતી વખતે કોઈ અકસ્માત ન થાય તેનું ધ્યાન રાખવું પડશે. હાલમાં વાહનોમાં આગ લાગવાના કેટલાક બનાવો પ્રકાશમાં આવ્યા છે. પાર્કિંગમાં પાર્ક કરેલી કારમાં પણ આગ લાગવાની શક્યતા છે. આ માટે વાહનમાં એવી કોઈ વસ્તુ ન રાખવી જોઈએ જેનાથી આગ લાગી શકે.
પ્લાસ્ટિકની પાણીની બોટલમાંથી આગ!
વાહનમાં આગ લાગવાના ઘણા કારણો હોઈ શકે છે. પાણીની બોટલ પણ વાહનમાં આગનું કારણ બની શકે છે. જો પાર્ક કરેલી કાર પર સીધો સૂર્યપ્રકાશ પડતો હોય અને કારમાં જ્યાં તડકો પડે છે ત્યાં પ્લાસ્ટિકની પાણીની બોટલ રાખવામાં આવે તો આ બોટલ તમારા માટે ખતરો પણ બની શકે છે.
કેલિફોર્નિયાના એક સમાચાર આઉટલેટે આ મુદ્દો ઉઠાવ્યો છે અને એ વાતની પુષ્ટિ પણ કરી છે કે કારમાં પાણીની બોટલ છોડવી જોખમી સાબિત થઈ શકે છે. કારમાં રાખેલી પાણીની બોટલ પર સીધો સૂર્યપ્રકાશ વધુ ગરમી પેદા કરી શકે છે. આના કારણે કારમાં ફાઈબરની વસ્તુઓમાં આગ લાગી શકે છે, જેના કારણે આખા વાહનમાં આગ લાગવાનું જોખમ ઉભું થઈ શકે છે.
NatGeo ના એક અહેવાલ મુજબ, જેમ જેમ તાપમાન અને સમય વધે છે. પ્લાસ્ટિકના કેમિકલ બોન્ડ તૂટવા લાગે છે, જેના કારણે તે જ જગ્યાએ કેમિકલ ફેલાવાની શક્યતા વધી જાય છે અને આ કેમિકલના લીકેજને કારણે વાહનમાં આગ પણ લાગી શકે છે.
તેનાથી કેવી રીતે રક્ષણ કરવું?
આ માટે, જ્યારે પણ તમે પાર્કિંગમાં અથવા એવી જગ્યાએ કાર પાર્ક કરો જ્યાં સીધો સૂર્યપ્રકાશ પડી શકે, ત્યારે કારની અંદર પાણીની બોટલ ન મુકો. જો તમે તેને રાખો છો, તો પણ બોટલને સીટની નીચે રાખો, જેથી તે સીધા સૂર્યપ્રકાશના સંપર્કમાં આવવાથી સુરક્ષિત રહે. નહીં તો બોટલ પર સીધો સુર્યપ્રકાશ પડવાના કારણે પ્લાસ્ટિક ગરમ થઈ શકે છે અને આગનું જોખમ વધી શકે છે, માટે તેને સીટની નીછે અથવા બહાર કાઢી લો જેથી આ ખતરાથી બચી શકાશે.
ટ્રેન્ડિંગ સમાચાર
ટોપ સ્ટોરી
