Bike Mileage Tips: બાઈકની ધારી માઈલેજ મેળવવા અપનાવો આ ટ્રીક, ખિસ્સા પર નહીં પડે આર્થિક ભાર

જો તમે તમારી બાઈકથી સારી માઈલેજ મેળવવા માંગતા હોવ તો બાઈકને એકસમાન સ્પીડ પર ચલાવવાનો પ્રયાસ કરો. જો કે, જ્યારે તે ગીચ વિસ્તારોની વાત આવે છે ત્યારે એક એક સરખી ગતિ જાળવી રાખવી મુશ્કેલ છે.

પ્રતિકાત્મક તસવીર

Bike Maintenance: ટુ-વ્હીલર હોય કે ફોર-વ્હીલર, પેટ્રોલની વધતી કિંમતોને કારણે ખિસ્સું ઢીલું થવા લાગ્યું છે અને તેથી જ લોકો પોતાની બાઇકની માઇલેજ વધારવા માટે વિવિધ યુક્તિઓ અપનાવે છે. જેની બાઇકના એન્જિન પર ખૂબ જ ગંભીર અસર પડે છે. માટે જ અમે તમને અહીં બાઇકની માઇલેજ વધારવાની સરળ ટિપ્સ જણાવવા જઇ રહ્યા છીએ, જેનાથી તમારી બાઇકની માઇલેજ પણ વધશે. સાથે જ બાઇકના એન્જિન પર કોઈ ખોટી અસર નહીં થાય.

ઓવર સ્પીડિંગ ટાળો

જો તમે તમારી બાઈકથી સારી માઈલેજ મેળવવા માંગતા હોવ તો બાઈકને એકસમાન સ્પીડ પર ચલાવવાનો પ્રયાસ કરો. જો કે, જ્યારે તે ગીચ વિસ્તારોની વાત આવે છે ત્યારે એક એક સરખી ગતિ જાળવી રાખવી મુશ્કેલ છે. પરંતુ તમે ઝડપને નિયંત્રિત કરવા માટે શક્ય તેટલો પ્રયાસ કરો. વારંવાર સ્પીડમાં વધારો કે ઘટાડો ન કરો. તેનાથી એન્જિન પર દબાણ ઓછું થશે અને પેટ્રોલનો વપરાશ ઓછો થશે. બાઇક મેન્યુઅલ અને નિષ્ણાતોના મતે 50 થી 60 વચ્ચેની સ્પીડને એન્જિન માટે યોગ્ય માનવામાં આવે છે. જો તમે 50 થી 60ની સ્પીડને ધ્યાનમાં રાખીને તમારી બાઇક ચલાવો છો તો તમને સારી માઈલેજ મળે છે. જોકે અલગ-અલગ ટુ વ્હીલર પ્રમાણે સ્પીડ થોડી અલગ હોઈ શકે છે. આ માટે તમારે બાઇક મેન્યુઅલ વાંચવું જોઈએ.

ઓવરલોડિંગ ટાળો

તમારા ટુ વ્હીલર પર ઓવરલોડિંગ ટાળવું જોઈએ, એટલે કે 2 થી વધુ લોકો ના બેસવા જોઈએ. ઘણી વખત લોકો બાઇક પર બેથી વધુ લોકો બેસીને મુસાફરી કરે છે. જેની સીધી અસર બાઇકના એન્જિન પર પડે છે અને તમને યોગ્ય માઇલેજ નથી મળતી. આ સિવાય તે ટ્રાફિક નિયમોના ઉલ્લંઘનમાં આવે છે. જેના કારણે તમારે ભારે દંડ પણ ભરવો પડી શકે છે.

આ ભૂલો ક્યારેય ના કરો

ઘણી વખત લોકો તેમના ટુ-વ્હીલરથી વધુ માઇલેજ આપવા માટે બાઇકનું કાર્બ્યુરેટર ટ્યુનિંગ કરાવે છે. જેના કારણે એન્જિનને પર્યાપ્ત માત્રામાં પેટ્રોલ મળતું નથી અને એન્જિન તેની સંપૂર્ણ ક્ષમતા સાથે કામ કરી શકતું નથી. આવું કરવાથી બચો. કારણ કે થોડા સમય પછી પૂરતું પેટ્રોલ ન મળવાને કારણે એન્જિન ખરાબ થવા લાગે છે અને પછી તેની કિંમત હજારો રૂપિયા વધી જાય છે.