શું મેન્યુઅલને બદલે ઓટોમેટિક કાર ખરીદવી આ કારણે વધુ ઉત્તમ જાણો ક્યાં છે સસ્તા ઓપ્શન
Automatic Cars In Top Indian Cities: જાટો ડાયનેમિક્સનો રિપોર્ટ કહે છે કે 20 મોટા શહેરોમાં વેચાતા દર ત્રણમાંથી એક વાહન ઓટોમેટિક છે, જેને પ્રીમિયમ સેગમેન્ટમાં રાખવામાં આવે છે.
Automatic Cars In Top Indian Cities:ભારત સહિત દુનિયાભરના લોકોમાં કારનો એક અલગ જ ક્રેઝ છે. એક રિપોર્ટ સામે આવ્યો છે, જેમાં કહેવામાં આવ્યું છે કે હવે મેન્યુઅલ કાર કરતાં ઓટોમેટિક કારને વધુ પસંદ કરવામાં આવે છે.છેલ્લા કેટલાક વર્ષોમાં ઓટોમેટિક કારની માંગ ઝડપથી વધવા લાગી છે. તેની પાછળનું કારણ એ છે કે ઓટોમેટિક કાર ચલાવવામાં સરળતા રહે છે. આ સિવાય ડ્રાઇવિંગ કરતી વખતે મુશ્કેલ પરિસ્થિતિઓમાં પણ તેમનું એન્જિન બંધ થતું નથી.
આટલો વધારો વર્ષ 2020 થી અત્યાર સુધીમાં થયો છે
ઓટોમેટિક કાર ચલાવવામાં સરળ છે, જેના કારણે ગ્રાહકો તેમના તરફ આકર્ષાઈ રહ્યા છે. જો કે, તેની ઊંચી કિંમતથી પણ ગ્રાહકોને કોઈ ફરક પડતો નથી.
રિપોર્ટ અનુસાર, વર્ષ 2020માં વાહનોના કુલ વેચાણમાં ઓટોમેટિકનો હિસ્સો 16 ટકા હતો. જે હવે વધીને 26 ટકા થઈ ગયો છે. Jato Dynamics ના રિપોર્ટ અનુસાર, 20 મોટા શહેરોમાં વેચાતા દર ત્રણ વાહનોમાંથી એક ઓટોમેટિક છે, જેને પ્રીમિયમ સેગમેન્ટમાં રાખવામાં આવે છે.
આ ઓટોમેટિક કાર પોસાય તેવા ભાવે આવે છે
દેશની સૌથી સસ્તી ઓટોમેટિક કાર Datsun redi-GO છે. તેમાં 999 સીસીનું એન્જિન છે. કંપનીનો દાવો છે કે તે એક લીટર પેટ્રોલમાં 22 કિલોમીટર સુધી જઈ શકે છે. આ 5 સીટર કાર છે, જે 6 કલર ઓપ્શન સાથે આવે છે. કિંમતની વાત કરીએ તો તેની એક્સ-શોરૂમ કિંમત 4.96 લાખ રૂપિયા છે. જ્યારે તેના મેન્યુઅલ વેરિઅન્ટની શરૂઆતની કિંમત 3.98 લાખ રૂપિયા છે.
બીજી કાર મારુતિ સુઝુકી S-Presso છે જે મારુતિની સૌથી સસ્તી ઓટોમેટિક કાર છે. તેમાં 998 સીસીનું એન્જિન છે. કંપનીનો દાવો છે કે તે એક લીટર પેટ્રોલમાં 21.53 કિલોમીટર સુધી જઈ શકે છે. આ 5 સીટર કાર છે. જેમાં આપને 6 કલરના વિકલ્પોમાં આવે છે. કિંમતની વાત કરીએ તો તેની એક્સ-શોરૂમ કિંમત 5.04 લાખ રૂપિયા છે. જ્યારે તેના મેન્યુઅલ વેરિઅન્ટની શરૂઆતી કિંમત 3.85 લાખ રૂપિયા છે.
ટોપ સ્ટોરી
ટ્રેન્ડિંગ સમાચાર
