નવી Scorpioને લઇને લોકોમાં ભારે ઉત્સાહ, ફક્ત એક મિનિટમાં 25 હજાર લોકોએ કર્યું બુકિંગ

મહિન્દ્રાની  નવી કાર માટે લોકોનો ખૂબ ઉત્સાહ જોવા મળી રહ્યો છે. કંપનીની નવી Scorpio-N ને પણ ગ્રાહકો તરફથી ખૂબ પ્રતિસાદ મળી રહ્યો છે

ફાઇલ તસવીર

મહિન્દ્રાની  નવી કાર માટે લોકોનો ખૂબ ઉત્સાહ જોવા મળી રહ્યો છે. કંપનીની નવી Scorpio-N ને પણ ગ્રાહકો તરફથી ખૂબ પ્રતિસાદ મળી રહ્યો છે. આ વાતનો અંદાજ એ વાત પરથી લગાવી શકાય છે કે બુકિંગ શરૂ થયાની એક મિનિટમાં જ 25 હજાર લોકોએ આ કારનો ઓર્ડર આપ્યો હતો.

મહિન્દ્રાની સૌથી વધુ વેચાતી કાર

મહિન્દ્રાના સૌથી વધુ વેચાતા વાહનોમાંથી એક સ્કોર્પિયોના નવા N વેરિઅન્ટનું બુકિંગ ઝડપથી થઈ રહ્યું છે. એક રિપોર્ટ અનુસાર, શનિવારે સવારે 11 વાગ્યે બુકિંગ શરૂ થતાંની સાથે જ પહેલી જ મિનિટમાં 25,000 યુનિટ બુક થઈ ગયા હતા જે એક રેકોર્ડ છે. જ્યારે સમયની સાથે બુકિંગની સંખ્યામાં પણ વધારો થવા લાગ્યો હતો. અડધા કલાકમાં 1 લાખ કાર બુક થઈ ગઈ અને આ બુકિંગ ચાલુ છે.

21 હજારમાં બુકિંગ થઈ શકશે

મહિન્દ્રા એન્ડ મહિન્દ્રાના નવા સ્કોર્પિયો-એન વેરિઅન્ટની કિંમત રૂ. 11.99 લાખ (એક્સ-શોરૂમ) અને ટોપ-ટાયર સ્કોર્પિયો-એન વેરિઅન્ટની કિંમત રૂ. 21.45 લાખ (એક્સ-શોરૂમ) છે. તેના બુકિંગ માટે ટોકન રકમ 21,000 રૂપિયા રાખવામાં આવી છે. નવી સ્કોર્પિયો ઓનલાઈન પણ બુક કરાવી શકાશે.

ડિલિવરી 26 સપ્ટેમ્બરથી શરૂ થાય છે

આનંદ મહિન્દ્રાની આગેવાની હેઠળની મહિન્દ્રા એન્ડ મહિન્દ્રાની સ્કોર્પિયો-એન 26 સપ્ટેમ્બર, 2022થી ડિલિવરી શરૂ કરવાની છે. કંપનીના પ્લાન વિશે વાત કરીએ તો ડિસેમ્બર 2022 સુધીમાં સ્કોર્પિયો-એનના 20,000થી વધુ યુનિટ ડિલિવર કરવાની તૈયારી કરવામાં આવી છે. આમાં કંપની Z8L ટ્રીમને પ્રાથમિકતા આપશે. જોકે, ગ્રાહકોને તેમના બુકિંગની ડિલિવરીની તારીખ કંપની દ્વારા ઓગસ્ટના અંત સુધીમાં આપવામાં આવશે.

ટચસ્ક્રીન સિસ્ટમ

મહિન્દ્રાની નવી સ્કોર્પિયો ચેન્નઈની મહિન્દ્રા રિસર્ચ વેલી ખાતે બનાવવામાં આવી છે. નવી સ્કોર્પિયોની ડિઝાઈન મહિન્દ્રા ઈન્ડિયા ડિઝાઈન સ્ટુડિયોમાં તૈયાર કરવામાં આવી છે. અન્ય ફિચર્સ વિશે વાત કરીએ તો મહિન્દ્રા સ્કોર્પિયો એનનું ઈન્સ્ટ્રુમેન્ટ કન્સોલ સંપૂર્ણપણે ડિજિટલ હશે.

તેમાં મોટી ટચસ્ક્રીન સિસ્ટમ પણ છે. 8-ઇંચની ટચસ્ક્રીન સાથે ઇન્ફોટેનમેન્ટ સિસ્ટમ તેના ઇન્ટિરિયરને મજબૂત બનાવી રહી છે. આ સિવાય સ્કોર્પિયો N પર બ્રેક લાઇટ દરવાજા પર ઉપરની તરફ આપવામાં આવી છે અને ટેલ લાઇટ C- શેપમાં છે.

ડીઝલ એન્જિન વિકલ્પ

મહિન્દ્રાએ ડીઝલ અને પેટ્રોલ એન્જિન સાથે સ્કોર્પિયો-એન લોન્ચ કરી છે. બંને એન્જિનમાં મેન્યુઅલ અને ઓટોમેટિક ટ્રાન્સમિશન મળશે. ફોર વ્હીલ ડ્રાઇવ (4WD) ફીચર ફક્ત સ્કોર્પિયો-એનના ડીઝલ એન્જિન ઓપ્શન જેમ કે Z4, Z8, Z8L સાથે ઉપલબ્ધ છે. સ્કોર્પિયો-એનને કંપનીએ 27 જૂને માર્કેટમાં લૉન્ચ કરી હતી. તેને પાંચ વેરિઅન્ટ Z2, Z4, Z6, Z8, Z8Lમાં લોન્ચ કરવામાં આવી છે.