એક જ ચાર્જમાં 610 KM દોડશે આ અદ્ભુત EV કાર, 11 મેથી બુકિંગ શરૂ; જાણો વિગત

MG 4X EV launch: ચીનમાં 11 મેથી MG 4X EV નું બુકિંગ શરૂ, સેમી-સોલિડ બેટરીથી મળશે 610 કિમી રેન્જ અને સેફ્ટી.

MG 4X Electric SUV 610 KM Range Semi Solid Battery Launch in May 2026

Source : MG 4X

Show Quick Read

Key points generated by AI, verified by newsroom

• MG 4X EV ભારતમાં સેમી-સોલિડ બેટરી ટેકનોલોજી સાથે લૉન્ચ.
• 53.9 kWh બેટરી 510 કિમી, 64.2 kWh બેટરી 610 કિમી રેન્જ.
• સેમી-સોલિડ બેટરી આગ લાગવાનું કે ઓવરહીટ થવાનું જોખમ ઘટાડે.
• મે ૧૧ થી ચીનમાં MG 4X EV નું બુકિંગ શરૂ થશે.

MG 4X EV launch: ઇલેક્ટ્રિક વાહનો (EV) ની દુનિયામાં હવે એક બહુ મોટો બદલાવ આવી રહ્યો છે. જો તમે કારને વારંવાર ચાર્જ કરવાની ઝંઝટથી બચવા માંગતા હોવ, તો આ સમાચાર તમારા માટે જ છે. ચીનમાં ટૂંક સમયમાં જ એક નવી ઇલેક્ટ્રિક SUV 'MG 4X' લોન્ચ થવાની તૈયારીમાં છે, જે અત્યાધુનિક 'સેમી-સોલિડ સ્ટેટ બેટરી' ટેકનોલોજીથી સજ્જ હશે. આ કાર માત્ર એક જ વાર ફુલ ચાર્જ કરવા પર 610 કિલોમીટર સુધીની જબરદસ્ત રેન્જ આપશે અને ભારે ઠંડી જેવા પ્રતિકૂળ હવામાનમાં પણ તેનું પર્ફોર્મન્સ શાનદાર રહેશે. કંપનીએ કન્ફર્મ કર્યું છે કે 11 મેથી આ દમદાર કારનું બુકિંગ શરૂ કરી દેવામાં આવશે.

રેન્જ અને બેટરી ઓપ્શનની વાત કરીએ તો, નવી MG 4X બે અલગ-અલગ બેટરી વિકલ્પો સાથે બજારમાં આવશે. જો તમે 53.9 kWh ની બેટરી પસંદ કરો છો, તો તમને ફુલ ચાર્જ પર 510 કિમીની રેન્જ મળશે. જ્યારે 64.2 kWh ની મોટી બેટરી તમને એક જ ચાર્જમાં સીધી 610 કિમી સુધીની લાંબી મુસાફરી કરાવશે. આ નવી બેટરી ટેકનોલોજીનો બીજો મોટો ફાયદો એનું સુપર ફાસ્ટ ચાર્જિંગ છે. અત્યારની ઇલેક્ટ્રિક કાર્સને ચાર્જ થવામાં કલાકો લાગે છે, પરંતુ સેમી-સોલિડ બેટરીથી આ સમય ઘણો ઘટી જશે, જેનાથી લોંગ ડ્રાઈવ પર જવું એકદમ આસાન બની જશે.

તમને કદાચ થતું હશે કે આ 'સેમી-સોલિડ બેટરી' આખરે આટલી ખાસ કેમ છે? અત્યારે મોટાભાગની ઇલેક્ટ્રિક કાર્સમાં લિથિયમ-આયન બેટરી વપરાય છે. આ બેટરીઓ સારી તો છે, પણ તેમાં આગ લાગવાના કે ઓવરહીટ થવાના બનાવો અવારનવાર સામે આવતા રહે છે. પરંતુ, આ નવી ટેકનોલોજીમાં લિક્વિડ ઇલેક્ટ્રોલાઇટની સાથે સોલિડ મટિરિયલનો પણ ઉપયોગ થાય છે. આનાથી બેટરી વધુ સ્થિર અને ડબલ સુરક્ષિત બની જાય છે, જેથી અકસ્માત કે શોર્ટ-સર્કિટનું જોખમ નહિવત્ થઈ જાય છે.

ઓટોમોબાઈલ નિષ્ણાતોનું પણ માનવું છે કે આ ટેકનોલોજી આવનારા સમયમાં EV ઇન્ડસ્ટ્રીનું ભવિષ્ય બદલી નાખશે. ચીન પહેલેથી જ ઇલેક્ટ્રિક વાહનોની ટેકનોલોજીમાં દુનિયામાં ડંકો વગાડી રહ્યું છે. ત્યાંની ઘણી કંપનીઓ સતત નવી બેટરી ટેકનોલોજી, ઓછી કિંમત અને અલ્ટ્રા-ફાસ્ટ ચાર્જિંગ પર રિસર્ચ કરી રહી છે, જે આવનારા સમયમાં માત્ર ગણતરીની મિનિટોમાં જ કારને ચાર્જ કરી દેશે.