મીની લિમિટેડ એડિશન કાર લોન્ચ: માત્ર 30 લોકોને મળશે Cooper S GP Inspired
મિની ઇન્ડિયાએ કૂપર એસ જીપી ઇન્સ્પાયર્ડ એડિશન માટે બુકિંગ શરૂ કરી દીધું છે. આ લિમિટેડ એડિશન કાર છે. જેની ભારતમાં ફક્ત 30 યુનિટ માટે ઉપલબ્ધ થશે. ડિલિવરી મે 2026 માં જ શરૂ થવાની ધારણા છે.
Mini India એ પોતાની નવી Mini Cooper S GP Inspired Edition માટે ભારતમાં બુકિંગ શરૂ કરી દીધી છે. આ એક લિમિટેડ એડિશન કાર છે, જેને માત્ર 30 લોકો જ ખરીદી શકશે. તેની બુકિંગ 1.5 લાખ રૂપિયા આપી કરી શકાય છે અને તેની ડિલિવરી મે 2026થી શરૂ થવાની શક્યતા છે. આ કાર Mini Cooper S JCW Pack પર આધારિત છે અને ખાસ કરીને એવા લોકો માટે બનાવવામાં આવી છે, જેઓ યુનિક અને એક્સક્લૂઝિવ કાર પસંદ કરે છે. ઓછી યુનિટ હોવાને કારણે આ કાર કલેક્શન માટે પણ ખૂબ ખાસ બની જાય છે.
ડિઝાઇનમાં સ્પોર્ટી અને અલગ લુક
આ કારની ડિઝાઇન ખૂબ જ આકર્ષક અને અલગ પ્રકારની છે. તે લેજેન્ડ ગ્રે કલરમાં આવે છે, જેમાં રૂફ અને ORVMs પર ચિલી રેડ કલર આપવામાં આવ્યો છે. આ કોમ્બિનેશન તેને સ્પોર્ટી લુક આપે છે. દરેક કારમાં C-પિલર પર યુનિક નંબર આપવામાં આવ્યો છે, જેના કારણે દરેક યુનિટ ખાસ બને છે.
તે ઉપરાંત, સાઇડ પર GP Inspired સ્ટિકર, બ્લેક બમ્પર, રિયર સ્પોઇલર અને સેન્ટર એક્ઝોસ્ટ આપવામાં આવ્યો છે. તેમાં 18-ઇંચના JCW એલોય વ્હીલ્સ મળે છે, જેમની ડિઝાઇન પણ ખૂબ પ્રીમિયમ લાગે છે. નાના-નાના ડિઝાઇન એલિમેન્ટ્સ આ કારને વધુ ખાસ બનાવે છે.
કેબિન અને ફીચર્સ
આકારનું ઇન્ટિરિયર પણ પ્રીમિયમ અને સ્પોર્ટી હશે. તેમાં રેડ અને બ્લેક થીમ આપવામાં આવી શકે છે. સીટ્સ પર રેડ સ્ટિચિંગ સાથે બ્લેક લેધર ફિનિશ મળશે.
તે ઉપરાંત, સ્પોર્ટ્સ સ્ટિયરિંગ વ્હીલ, ઇલેક્ટ્રિક સીટ્સ અને ડ્રાઇવર સીટમાં મસાજ ફીચર મળવાની શક્યતા છે. આ ફીચર આ સેગમેન્ટમાં બહુ ઓછું જોવા મળે છે અને ડ્રાઇવિંગને વધુ આરામદાયક બનાવે છે.
આ પણ વાંચો:પેટ્રોલના ખર્ચામાંથી મુક્તિ! 400km રેન્જવાળી આ EV કારો બચાવશે તમારા લાખો રૂપિયા
એન્જિન અને પરફોર્મન્સ
Mini Cooper S GP Inspired Editionમાં 2.0-લિટર ટર્બો પેટ્રોલ એન્જિન મળવાની શક્યતા છે. આ એન્જિન 201 bhp પાવર અને 300 Nm ટોર્ક આપે છે. તેની સાથે 7-સ્પીડ ડ્યુઅલ ક્લચ ગિયરબોક્સ આપવામાં આવી શકે છે, જેના કારણે કારની પરફોર્મન્સ ખૂબ સ્મૂથ અને ઝડપી બને છે.
આ કાર ખાસ કેમ છે?
આ કારની સૌથી મોટી ખાસિયત તેની લિમિટેડ ઉપલબ્ધતા છે. માત્ર 30 યુનિટ હોવાને કારણે તે ખૂબ જ એક્સક્લૂઝિવ બની જાય છે. સાથે જ તેની સ્પોર્ટી ડિઝાઇન અને શક્તિશાળી એન્જિન તેને વધુ આકર્ષક બનાવે છે.
ટોપ સ્ટોરી
ટ્રેન્ડિંગ સમાચાર
