નવી કાર ખરીદનારાઓ માટે બહુ મોટા સમાચાર: PUC ના નિયમ બદલાશે, દર 6 મહિને ધક્કા ખાવામાંથી મુક્તિ!

સરકાર 'PUCC 3.0' લાવવાની તૈયારીમાં; 6 વર્ષથી જૂની BS6 કાર માટે 1 વર્ષ અને BS4 કાર માટે દર 6 મહિને પ્રદૂષણ સર્ટિફિકેટ (PUC) કઢાવવું ફરજિયાત બનશે.

new puc rules for bs6 vehicles validity extended to three years

Source : ai

Show Quick Read

Key points generated by AI, verified by newsroom

• સરકાર 'PUCC 3.0' ડ્રાફ્ટ દ્વારા BS6 કારોને રાહત આપશે.
• નવી BS6 કારોને એક ટેસ્ટ પછી ત્રણ વર્ષની PUC માન્યતા.
• વાહનોની ઉંમર મુજબ PUC રિન્યુઅલ નિયમો કડક બનશે.
• ઓછું પ્રદૂષણ કરતા BS6 વાહનોને આ છૂટછાટ મળશે.

new puc rules bs6 cars: જો તમે નવી કાર ખરીદવાનું વિચારી રહ્યા છો અથવા તમારી પાસે પહેલેથી જ BS6 કાર છે, તો તમારા માટે એક ખૂબ જ રાહત આપનારા સમાચાર છે. હવે તમારે વારંવાર PUC (પોલ્યુશન અંડર કંટ્રોલ સર્ટિફિકેટ) કઢાવવા માટે પેટ્રોલ પંપના ધક્કા ખાવામાંથી મુક્તિ મળી શકે છે. પ્રદૂષણ પર લગામ કસવા અને વાહન માલિકોને સુવિધા આપવા માટે સરકાર 'PUCC 3.0' નામનો નવો નિયમ લાવવાની તૈયારી કરી રહી છે. આ નવા ડ્રાફ્ટ મુજબ, નવી BS6 કાર માટે PUC ની વેલિડિટી વધારીને સીધી 3 વર્ષ કરી દેવામાં આવશે. આ સાથે જ પ્રદૂષણ ઘટાડવાના હેતુથી જૂના વાહનો માટે નિયમો વધુ કડક બનાવવામાં આવશે.

વારંવાર ધક્કા ખાવામાંથી મળશે કાયમી મુક્તિ

અત્યારના નિયમ મુજબ, નવી કાર પર પહેલા વર્ષ માટે PUC માંથી છૂટ મળે છે. પરંતુ તે પછી, દર 6 મહિને અથવા 1 વર્ષે ફરજિયાતપણે PUC કઢાવવું પડે છે અને જો આ નિયમ તોડો તો 10,000 રૂપિયા સુધીનો આકરો દંડ ભરવો પડે છે. તેનાથી લોકોના સમય અને પૈસા બંનેનો બગાડ થાય છે. પરંતુ નવા સરકારી પ્રસ્તાવ મુજબ, 6 વર્ષથી ઓછી જૂની તમામ પ્રાઇવેટ BS6 કાર માટે એક જ વાર ટેસ્ટ કરાવ્યા પછી સીધી 3 વર્ષની વેલિડિટી મળશે. એટલે કે કાગળિયા રિન્યુ કરાવવાની કોઈ જ માથાકૂટ રહેશે નહીં.

કાર જેટલી જૂની, નિયમો એટલા જ કડક!

સરકારની આ નવી યોજના વાહનની ઉંમરના આધારે કામ કરશે. તેમાં નીચે મુજબના ફેરફારો થઈ શકે છે:

6 વર્ષ સુધીની BS6 કાર: એકવાર PUC કઢાવ્યા પછી સીધી 3 વર્ષની વેલિડિટી.

6 થી 10 વર્ષ જૂની BS6 કાર: દર 1 વર્ષે (વાર્ષિક) PUC રિન્યુ કરાવવું પડશે.

10 વર્ષથી વધુ જૂની BS6 કાર: દર 6 મહિને પ્રદૂષણ કેન્દ્ર પર જઈને ટેસ્ટ કરાવવો પડશે.

આમ, સરકાર લોકોને સુવિધા તો આપી જ રહી છે, પણ સાથે જૂના વાહનોથી થતા પ્રદૂષણ પર ચાંપતી નજર રાખવાનું પણ આયોજન કરી રહી છે.

આ પણ વાંચોઃ ગાડી ખેંચી જવાનો ડર છોડો! કાર લોનના હપ્તા ચૂકવી ન શકો તો પણ તમારી પાસે છે આ 5 કાનૂની અધિકાર

BS4 અને તેનાથી જૂની કાર માટે આકરા નિયમો

આ નવા ડ્રાફ્ટમાં જૂના વાહનો માટે કડક જોગવાઈઓ કરવામાં આવી છે. જો તમારી પાસે માર્ચ 2020 પહેલા બનેલી BS4 પ્રાઇવેટ કાર છે, તો તમારે ફરજિયાત દર 6 મહિને PUC રિન્યુ કરાવવું પડશે. આ ઉપરાંત, જો તમારી કાર તેનાથી પણ જૂની એટલે કે BS1, BS2 અથવા BS3 મોડલની છે, તો તમારે દર 3 મહિને PUC સર્ટિફિકેટ કઢાવવું પડશે.

સરકાર BS6 વાહનોને આટલી છૂટ કેમ આપી રહી છે?

આની પાછળનું મુખ્ય કારણ એ છે કે નવી ટેક્નોલોજીવાળા BS6 વાહનો જૂના વાહનોની સરખામણીમાં 82% ઓછા કણ (Particulate Matter) અને 25% ઓછો નાઇટ્રોજન ઓક્સાઇડ ઉત્સર્જિત કરે છે. પ્રદૂષણ ઓછું ફેલાવતા હોવાને કારણે જ સરકાર આ નવી ઇકો-ફ્રેન્ડલી કારના માલિકોને આટલી મોટી રાહત આપી રહી છે.

આ પણ વાંચોઃ સ્કોડાએ લૉન્ચ કરી પાવરફુલ પીક EV: 647 kmની શાનદાર રેન્જ અને 28 મિનિટમાં થશે ચાર્જ