આ છે દેશની સૌથી સસ્તી 5-સ્ટાર સેફ્ટી વાળી CNG કાર, ક્રેશ ટેસ્ટમાં મળ્યું 5-સ્ટાર રેટિંગ, જાણો કિંમત અને ફીચર્સ?

ભારત NCAPના ક્રેશ ટેસ્ટમાં ટાટા પંચ CNG (Tata Punch CNG) પાસ; બજેટ ફ્રેન્ડલી કિંમતમાં શાનદાર માઈલેજ અને મજબૂત સુરક્ષાની ગેરંટી.

tata punch cng achieves 5 star safety rating from bharat ncap crash tests

Source : Tata Motors

Show Quick Read

Key points generated by AI, verified by newsroom

• ટાટા પંચ CNG 5-સ્ટાર સેફ્ટી રેટિંગ સાથે આવી છે.
• ભારત NCAP ટેસ્ટમાં ટ્રક સાથેની ટક્કરમાં ડમી સુરક્ષિત રહી.
• કાર 1.2L પેટ્રોલ એન્જિન અને AMT વિકલ્પ સાથે આવે છે.
• મિની SUV લુક, હાઈટેક ફીચર્સ સાથે ₹5-6 લાખમાં ઉપલબ્ધ.

જો તમે તમારા પરિવાર માટે નવી કાર ખરીદવાનું વિચારી રહ્યા છો અને તમારી ઈચ્છા એવી છે કે કાર CNG હોવાની સાથે સાથે એકદમ સેફ પણ હોય, તો તમારા માટે એક સારા સમાચાર છે. ટાટા મોટર્સની ટાટા પંચ સીએનજી (Tata Punch CNG) હવે પૂરા 5 સ્ટાર સેફ્ટી રેટિંગ સાથે આવે છે. ભારત NCAP દ્વારા કરવામાં આવેલા ક્રેશ ટેસ્ટમાં આ કારે 5 સ્ટાર મેળવ્યા છે, જેની સાથે જ આ કાર દેશની સૌથી સસ્તી અને સલામત CNG કાર બની ગઈ છે. ઓછા બજેટમાં શાનદાર માઈલેજ, મજબૂત બોડી અને લેટેસ્ટ ફીચર્સ ધરાવતી આ કાર સામાન્ય પરિવારો માટે એક બેસ્ટ ઓપ્શન સાબિત થઈ રહી છે.

ટ્રક સાથેની ભયંકર ટક્કરમાં પણ ડમી રહી એકદમ સુરક્ષિત

આ કારની મજબૂતાઈનો અંદાજ એ વાત પરથી જ લગાવી શકાય છે કે, ક્રેશ ટેસ્ટ માટે નવી ટાટા પંચને કોઈ સામાન્ય કાર સાથે નહીં, પરંતુ એક મોટી અને ભારે ટ્રક સાથે અથડાવવામાં આવી હતી. આટલી શક્તિશાળી ટક્કર પછી પણ કારના માત્ર આગળના ભાગને (હૂડને) જ નુકસાન પહોંચ્યું હતું. કારની કેબિન અને પાછળનો ભાગ એકદમ સહીસલામત રહ્યા હતા. સૌથી મોટી રાહતની વાત એ હતી કે, કારની અંદર મુસાફરોની જગ્યાએ બેસાડવામાં આવેલી ડમી પણ સંપૂર્ણપણે સુરક્ષિત હતી. આ દર્શાવે છે કે અકસ્માત સમયે પણ તમારો પરિવાર આ કારમાં સુરક્ષિત રહેશે.

એન્જિન અને માઈલેજમાં છે સુપરહિટ

આ કારમાં 1.2 લિટરનું પાવરફુલ પેટ્રોલ એન્જિન આપવામાં આવ્યું છે, જે CNG પર પણ એકદમ સ્મૂથ પર્ફોર્મન્સ આપે છે. રોજબરોજના ઉપયોગ માટે આ કાર તમારા ખિસ્સા પર બિલકુલ ભારે નહીં પડે, કારણ કે પેટ્રોલની સરખામણીએ સીએનજીમાં ઇંધણનો ખર્ચ ઘણો ઓછો આવે છે. સૌથી સારી વાત એ છે કે, કાર હવે મેન્યુઅલની સાથે ઓટોમેટિક (AMT) વેરિઅન્ટમાં પણ ઉપલબ્ધ છે, જેનાથી ભીડભાડવાળા ટ્રાફિકમાં ડ્રાઇવિંગ કરવું એકદમ સહેલું બની જાય છે.

લુકમાં મિની SUV, ફીચર્સમાં હાઇટેક

જો ડિઝાઇન અને ફીચર્સની વાત કરીએ તો ટાટા પંચનો લુક એક નાની એસયુવી (SUV) જેવો છે. તેનું ગ્રાઉન્ડ ક્લિયરન્સ પણ વધારે છે, તેથી ખાડાવાળા કે કાચા રસ્તાઓ પર કાર નીચે ઘસાવાનું ટેન્શન રહેતું નથી. આ ઉપરાંત, કારની અંદર ટચસ્ક્રીન, ડિજિટલ ડિસ્પ્લે અને કનેક્ટેડ કાર ટેકનોલોજી જેવા ઘણા આધુનિક અને સ્માર્ટ ફીચર્સ આપવામાં આવ્યા છે. આટલા ઓછા બજેટમાં આવા પ્રીમિયમ ફીચર્સ ભાગ્યે જ જોવા મળે છે.

કિંમત જાણીને તમે પણ ખુશ થઈ જશો

હવે સૌથી મહત્વની વાત કરીએ કિંમતની! ટાટા પંચ ભારતમાં સૌથી પોસાય તેવી (બજેટ ફ્રેન્ડલી) કારની કેટેગરીમાં આવે છે. આ કારની શરૂઆતી કિંમત માત્ર ₹5 થી 6 લાખ (એક્સ શોરૂમ) ની આસપાસ છે, જે અલગ અલગ વેરિઅન્ટ અને ફીચર્સના આધારે આગળ વધે છે. ટૂંકમાં કહીએ તો, જે લોકો બજેટમાં રહીને એક સલામત, મજબૂત અને ઇંધણ બચાવતી CNG કાર ખરીદવા માંગે છે, તેમના માટે આ એક પરફેક્ટ ચોઈસ છે.

આ પણ વાંચો

10 લાખથી ઓછી કિંમતમાં લાવો લક્ઝરી EV! જાણો કઈ ઇલેક્ટ્રિક કાર છે તમારા બજેટમાં સૌથી બેસ્ટ