નવા અવતારમાં આવી રહી છે Toyota Hilux પિકઅપ, જાણો ફીચર્સ અને લુકમાં શું થશે ફેરફાર?

Toyota Hilux: નવી Hilux માં પહેલાંની સરખામણીમાં ખૂબ જ પ્રીમિયમ ઈન્ટિરિયર મળશે. તેમાં બે 12.3-inch ની મોટી સ્ક્રીન આપવામાં આવી શકે છે, જેમાં એક ડિજિટલ ઈન્સ્ટ્રુમેન્ટ ક્લસ્ટર અને બીજી ટચસ્ક્રીન ઈન્ફોટેનમેન્ટ સિસ્ટમ માટે હશે.

Toyota Hilux

Source : Toyota Hilux

Show Quick Read

Key points generated by AI, verified by newsroom

• ટોયોટા હાઈલક્સ 9મી જનરેશન 28 જુલાઈએ ભારતમાં લોન્ચ થશે.
• નવી ડિઝાઈન, પ્રીમિયમ કેબિન, ટેકનોલોજી સુવિધાઓ મળશે.
• 2.8L ડીઝલ એન્જિન, ADAS, ઓફ-રોડ ક્ષમતા જાળવી રાખશે.

Toyota Hilux:  ટોયોટા પોતાની લોકપ્રિય Toyota Hilux ની 9th Generation ને 28 જુલાઈના રોજ ભારતીય બજારમાં લોન્ચ કરવા જઈ રહી છે. નવી Hilux ને પહેલાં કરતાં વધુ મોર્ડન ડિઝાઈન, પ્રીમિયમ ઈન્ટિરિયર અને એડવાન્સ ફીચર્સ સાથે રજૂ કરવામાં આવશે. જોકે તેનું મજબૂત બોડી-ઓન-ફ્રેમ પ્લેટફોર્મ યથાવત રહેશે, જેનાથી તેની ઓફ-રોડ કેપેસિટી અને મજબૂતાઈ પહેલાં જેવી જ જળવાઈ રહેશે. લોન્ચ પહેલાં જ તેના અનેક ફીચર્સ અને ડિઝાઈન સાથે જોડાયેલી માહિતી સામે આવી ચૂકી છે.

 

નવી ટોયોટા કારના ફીચર્સ

નવી Toyota Hilux ના એક્સટીરિયરમાં ઘણા મોટા ફેરફારો જોવા મળી શકે છે. તેમાં પહેલાં કરતાં વધુ આકર્ષક ફ્રન્ટ ગ્રિલ, નવી ડિઝાઈનની સ્લિમ LED હેડલાઈટ્સ, અપડેટેડ બમ્પર, નવું સ્કીડ પ્લેટ અને નવા અલૉય વ્હીલ આપવામાં આવે તેવી અપેક્ષા છે. પાછળની તરફ પણ નવી LED ટેલલાઈટ્સ અને બદલાયેલું ટેલગેટ ડિઝાઈન મળશે, જેના પર મોટા કદમાં Toyota ની બ્રાન્ડિંગ જોવા મળી શકે છે. એકંદરે નવી Hilux પહેલાં કરતાં વધુ બોલ્ડ, મોર્ડન અને પ્રીમિયમ નજરે પડશે, જ્યારે તેની મજબૂત ઓળખ જળવાઈ રહેશે.

ગાડીનું કેબિન અને એન્જિન

કેબિનની વાત કરીએ તો નવી Hilux માં પહેલાંની સરખામણીમાં ખૂબ જ પ્રીમિયમ ઈન્ટિરિયર મળશે. તેમાં બે 12.3-inch ની મોટી સ્ક્રીન આપવામાં આવી શકે છે, જેમાં એક ડિજિટલ ઈન્સ્ટ્રુમેન્ટ ક્લસ્ટર અને બીજી ટચસ્ક્રીન ઈન્ફોટેનમેન્ટ સિસ્ટમ માટે હશે. આ સિવાય નવું સ્ટીઅરિંગ વ્હીલ, વાયરલેસ Android Auto અને Apple CarPlay, વાયરલેસ ચાર્જિંગ, 360-degree કેમેરા, કનેક્ટેડ કાર ટેક્નોલોજી અને અન્ય ઘણા મોર્ડન ફીચર્સ પણ મળવાની અપેક્ષા છે. ટોયોટાએ કેબિનને પહેલાં કરતાં વધુ આરામદાયક અને હાઈટેક બનાવવા પર ખાસ ભાર મૂક્યો છે.

એન્જિનની વાત કરીએ તો ભારતીય બજારમાં નવી Hilux સાથે હાલનું 2.8-liter ટર્બો ડીઝલ એન્જિન ચાલુ રાખવામાં આવી શકે છે. આ એન્જિન સાથે 48-volt માઈલ્ડ-હાઈબ્રિડ સિસ્ટમ પણ આપવામાં આવી રહી છે, જેનાથી બહેતર માઈલેજ અને ઓછું ઉત્સર્જન મળે છે. જોકે ભારતમાં લોન્ચ સમયે માઈલ્ડ-હાઈબ્રિડ ટેક્નોલોજી મળશે કે નહીં, તેના પર કંપનીએ હજુ સુધી કોઈ સત્તાવાર માહિતી આપી નથી.

કેવા હશે ગાડીના ફીચર્સ?

ઓફ-રોડિંગ પસંદ કરતા ગ્રાહકો માટે નવી Hilux પહેલાંની જેમ જ મજબૂત ઓપ્શન બની રહેશે. તેમાં બહેતર સસ્પેન્શન સેટઅપ, હાઈ ગ્રાઉન્ડ ક્લિયરન્સ, 4x4 ડ્રાઈવ સિસ્ટમ અને અનેક ઓફ-રોડ ડ્રાઈવિંગ મોડ મળવાની અપેક્ષા છે. આ સાથે જ સુરક્ષા માટે ADAS, મલ્ટિપલ એરબેગ્સ, ઈલેક્ટ્રોનિક સ્ટેબિલિટી કંટ્રોલ, ટ્રેક્શન કંટ્રોલ અને અન્ય એડવાન્સ સેફ્ટી ફીચર્સ પણ સામેલ કરવામાં આવી શકે છે, જેનાથી આ પિકઅપ પહેલાં કરતાં વધુ સુરક્ષિત અને ટેક્નોલોજીથી સજ્જ હશે.

આ પણ વાંચો

ફક્ત ₹1,00,000 આપી ઘરે લાવો Maruti Dzire! જાણો 5 અને 7 વર્ષ માટે કેટલો થશે માસિક EMI

Toyota લાવી રહી છે 3 નવી કાર, આપશે 35 KM થી પણ વધુની માઈલેજ