Budget 2025 Expectations: ભારતીય આર્મીની વધશે તાકાત, બજેટ 2025માં સરકાર કરી શકે છે મોટી જાહેરાતો

Budget 2025 Expectations: નાણામંત્રી નિર્મલા સીતારમણ 1 ફેબ્રુઆરી, 2025ના રોજ તેમનું આઠમું કેન્દ્રીય બજેટ રજૂ કરશે.

પ્રતિકાત્મક તસવીર

Source : ABPLIVE AI

Union Budget 2025 Expectations: ભારત વિશ્વમાં સંરક્ષણ ખર્ચમાં ચોથો સૌથી મોટો દેશ છે. જોકે, ભારત હજુ પણ તેની સંરક્ષણ જરૂરિયાતોના 35 ટકા માટે આયાત પર આધાર રાખે છે. આત્મનિર્ભરતા અને શસ્ત્રસરંજામને આપવામાં આવતી પ્રાથમિકતાને ધ્યાનમાં રાખીને આ વર્ષના સંરક્ષણ બજેટમાં નોંધપાત્ર વધારો થવાની અપેક્ષા છે.

નાણામંત્રી નિર્મલા સીતારમણ 1 ફેબ્રુઆરી, 2025ના રોજ તેમનું આઠમું કેન્દ્રીય બજેટ રજૂ કરશે. આ બજેટ વડા પ્રધાન નરેન્દ્ર મોદીના ત્રીજા કાર્યકાળનું બીજું બજેટ હશે. જેમાં સંરક્ષણ ક્ષેત્ર પર ખાસ ધ્યાન કેન્દ્રિત કરવાની અપેક્ષા છે. નિષ્ણાતો માને છે કે આ વર્ષે સંરક્ષણ ક્ષેત્ર માટે ફાળવણીમાં મધ્યમ વધારો જોવા મળી શકે છે. ગયા નાણાકીય વર્ષ 2024-25માં સરકારે સંરક્ષણ ક્ષેત્ર માટે 6.22 લાખ કરોડ રૂપિયા ફાળવ્યા હતા. જે ગયા વર્ષ કરતા 4.79 ટકા વધુ હતું.

આ મુદ્દાઓ પર વધુ ધ્યાન આપવામાં આવશે

મૂડી ખર્ચમાં 7-8 ટકાનો વધારો થવાની ધારણા છે. સંરક્ષણ મૂડી ખર્ચ 7-8 ટકા વધીને લગભગ 1.9 લાખ કરોડ રૂપિયા થઈ શકે છે. આર્મી અને નેવી પર ધ્યાન કેન્દ્રિત કરતી જાહેરાતો પણ થઈ શકે છે. લશ્કરી વાહનો અને નૌકાદળના સંસાધનોના આધુનિકીકરણ પર ખાસ ધ્યાન કેન્દ્રિત કરવામાં આવશે, જ્યારે વાયુસેના માટે ફાળવણી સ્થિર રહી શકે છે.

આત્મનિર્ભરતા તરફના પગલાં

રિપોટ્સ અનુસાર, આયાત પર નિર્ભરતા ઘટાડવાની જરૂરિયાત વધી રહી છે. ભારતે 2023માં સંરક્ષણ પાછળ 84 બિલિયન ડોલર (GDP ના 2.4 ટકા) ખર્ચ્યા હતા, પરંતુ તેની 35 ટકા જરૂરિયાતો હજુ પણ આયાત દ્વારા પૂરી થાય છે. આત્મનિર્ભર ભારત પહેલ હેઠળ સ્વદેશી ઉત્પાદનને પ્રોત્સાહન આપવાની આ એક મોટી તક છે.

ભારતનું સંરક્ષણ દ્રષ્ટિકોણ શું છે?

વૈશ્વિક તણાવ અને સરહદ સુરક્ષાની વધતી જતી જરૂરિયાતોને ધ્યાનમાં રાખીને આગામી બજેટમાં આધુનિક સંરક્ષણ તકનીકો, સરહદ સુરક્ષા અને સ્વદેશી નવીનતાને પ્રાથમિકતા આપવામાં આવે તેવી અપેક્ષા છે. 1 ફેબ્રુઆરીએ રજૂ થનાર બજેટ ભારતને આત્મનિર્ભર અને મજબૂત સંરક્ષણ ક્ષમતા તરફ લઈ જવા માટેનો રોડમેપ રજૂ કરશે.