Jio Effect: એરટેલની ધમાકેદાર ઓફર, 399 રૂપિયામાં 84GB ડેટા અને અનલિમિટેડ કોલિંગ

હાલમાં જ એરટેલે બ્રોડબેન્ડ કન્ઝ્યૂમર્સ માટે જૂની કિંમત પર બે ગણો ડેટા આપવાની ઓફર આપી હતી. હાલમાં આ પ્લાન માત્ર દિલ્હી સર્કલ માટે છે. જેમાં પહેલા કંપની 899 રૂપિયામાં 30GB ડેટા ઓફર કરતી હતી, તેમાં ગ્રાહકોને 60GB ડેટા આપવાની વાત કહી હતી.

નવી દિલ્હીઃ ટેલિકોમ સર્વિસ પ્રોવાઈડર્સની વચ્ચે સતત સસ્તા પ્લાન આપવા ડેટાવોર ચાલી રહ્યું છે. ભારતી એરટેલે 4જી યૂઝર્સ માટે શાનદાર ઓફર રજૂ કરી છે. કંપનીએ પોતાના પ્રીપેડ યૂઝર્સ માટે 399 રૂપિયાનો પ્લાન રજૂ કર્યો છે. આ ઓફર દ્વારા યૂઝર્સને 84 દિવસ સુધી 84GB ડેટાની સાથે ફ્રી કોલિંગની સુવિધા આપવામાં આવશે.

એરટેલ અનુસાર આ ઓફર માત્ર 4જી ફોન અને 4જી સિમ યૂઝર્સ માટે જ છે. ઉપરાંત કંપનીની એક અન્ય ઓફર પણ છે જેમાં 2400 રૂપિયામાં 70 દિવસ સુધી 1 જીબી ડેટાની સાથે ફ્રી કોલિંગની સુવિધા આપવામાં આવી રહી છે.

આ પહેલા એરટેલે યૂઝર્સને વધેલ ઇન્ટરનેટ ડેટા આવતા મહિને ઉપયોગ કરવાની ઓફર આપી હતી. કંપનીએ પોસ્ટપેડ યૂઝર્સ માટે આ સર્વિસ શરૂ કરી છે. કંપનીનો દાવો છે કે હવે કોઈપણ યૂઝર્સનો અનયૂઝ્ડ ડેટા બેકાર નહીં જાય.