એરટેલ પેમેન્ટ બેંકની થઈ શરૂઆત, બચત ખાતા પર મળશે 7.25 ટકા વ્યાજ

નવી દિલ્હીઃ એરટેલ પેમેન્ટ બેંકે ગુરુવારે 3,000 કરોડ રૂપિયાના રોકાણ સાથે પોતાની રાષ્ટ્રીય સ્તર પર ઓપરેશન શરૂ કરવાની જાહેરાત કરી. એરટેલ પેમેન્ટ બેંકને આ અવસર પર બચત ખાતા પર 7.25 ટકા વ્યાજ આપવાની જાહેરાત કરી છે.

આ નવી બેંક દ્વારા બચત ખાતા પર વધારે વ્યાજ આપવાની જાહેરાતથી બેન્કિંગ સેક્ટરમાં સ્પર્ધા વધવાની ધારણા છે. રિલાયન્સ ઇન્ડસ્ટ્રીઝ, વોડાફોન ગ્રુપ પીએલસી અને આઇડિયા સેલ્યૂલરને પણ પેમેન્ટ બેંકનું લાયસન્સ મળ્યું છે. એરટેલ પેમેન્ટ બેંકમાં પ્રાઈવેટ સેક્ટરની કોટક મહિન્દ્રા બેંકનો સામાન્ય હિસ્સો છે.