Airtelનો નવો ધમાકો, માત્ર 2.26 રૂપિયામાં મળશે 1 GB ડેટા

નવી દિલ્હીઃ જિઓને ટક્કર આપવા માટે એરટેલે નવો પ્લાન લોન્ચ કર્યો છે. એરટેલ 558 રૂપિયાવાળું નવું પ્રીપેડ પેક લઈને આવ્યું છે જેમાં યૂઝરને કુલ 82 દિવસ સુધી 246 જીબી ડેટા મળશે. નવા પેકમાં અનલિમિટેડ કોલ, 100 એસએમએસનો લાભ 82 દિવસ સુધી મળશે. આ પ્લાન હાલ તો કંપનીએ દિલ્હી-એનસીઆર સર્કલમાં લોંચ કર્યો છે જે ટૂંક સમયમાં પાન ઇન્ડિયા માટે રજૂ કરવામાં આવશે. આ પ્લાન દ્વારા કંપની જિયોના 498 રૂપિયાના પ્લાનને ટક્કર આપવા માગે છે.

જિયો પોતાના આ પ્લાનમાં 91 દિવસની વેલેડિટી સાથે 498 રૂપિયામાં 182 જીબી ડેટા એટલે કે પ્રતિ દિવસ 2GB ડેટા આપે છે. તેની સામે એરટેલ પ્રતિ દિવસ 3 GB ડેટા આપે છે. આ સાથે યુઝરને અનલિમિટેડ લોકલ, એસટિડી અને નેશનલ રોમિંગ તેમજ 100 લોકલ અને STD એસએમએસ પ્રતિદિન ફ્રી ઓફર કરવામાં આવ્યા છે.