McDonald'sના 169 રેસ્ટોરાં થઈ શકે છે બંધ, જાણો ક્યા રાજ્યમાં પડી શકે છે શટર

મેકડોનાલ્ડ્સ ઇન્ડિયાએ જણાવ્યું કે, `આ પગલું લેવા અમે મજબૂત થયા છીએ, કારણ કે CPRLએ રેસ્ટોરન્ટ્સને અસર કરતા ફ્રેન્ચાઇઝી એગ્રીમેન્ટની શરતોનો ભંગ કર્યો છે અને તક આપવામાં આવ્યા પછી પણ તે એગ્રીમેન્ટ માટે જરૂરી પગલા લેવામાં નિષ્ફળ રહી છે. મેકડોનાલ્ડ ઇન્ડિયાએ જણાવ્યું કે તે ઉત્તર અને પૂર્વ ભારત માટે યોગ્ય ડેવલપમેન્ટ લાઇસન્સ પાર્ટનર શોધવા પ્રતિબદ્ધ છે અને આ દિશામાં પગલા લેવામાં આવ્યા છે.

ફાસ્ટફૂડ ચેઇને એક સ્ટેટમેન્ટમાં જણાવ્યું હતું કે, `આજે અમે મેકડોનાલ્ડ્સ ઇન્ડિયા પ્રાઇવેટ લિમિટેડ અને CPRL વચ્ચે થયેલી ફ્રેન્ચાઇઝી એગ્રીમેન્ટ ટર્મિનેટ કરવા અંગેની નોટિસ CPRL બોર્ડને ઇશ્યુ કરી છે. આ એગ્રીમેન્ટ પ્રમાણે CPRL ઉત્તર અને પૂર્વ ભારતમાં મેકડોનાલ્ડ્સના 169 રેસ્ટોરન્ટસનું સંચાલન કરે છે.