દેશમાં ટૂંકમાં શરૂ થશે પ્લાસ્ટિકની નોટ, સરકારે RBIને 10 રૂપિયાની નોટ છાપવાની આપી મંજૂરી

મેધવાલે કહ્યું કે, પ્લાસ્ટિક નોટનું સરેરાશ આયુષ્ય પાંચ વર્ષ છે અને તેની નકલ કરવી મુશ્કલે છે. તેમણે કહ્યું કે, પ્લાસ્ટિકથી તૈયાર થયેલ નોટ પેપર નોટની તુલનામાં વધારે સ્વચ્છ હોય છે. આ પ્રકારની નોટ નકલી ચલણ રોકવા માટે સૌથી પહેલા ઓસ્ટ્રેલિયામાં લોન્ચ કરવામાં આવી હતી.

સૌથી પહેલા સરકારે ફેબ્રુઆરી 2014માં 10 રૂપિયા મૂલ્યની પ્લાસ્ટિક નોટના ફીલ્ડ ટ્રાયલ માટે મંજૂરી આપી હતી. ટ્રાયલ માટે પાંચ શહેરની પસંદગી તેના ભૌગોલિક અને જળવાયુ વિવિધતાના આધારે કરવામાં આવીછે. ફીલ્ડ ટ્રાયલ માટે પસંદ કરવામાં આવેલ શહેરમાં કોચિ, મૈસૂર, જયપુર, શિમલા અને ભુવનેશ્વર છે.