BSNL લાવ્યું લૂટ લો ઓફર, 60 ટકા સુધી ડિસ્કાઉન્ટ મળશે

નવી દિલ્હીઃ બીએસએનએલ પોતાના યૂઝર્સ માટે ખાસ ઓફર રજૂ કરી છે. ખાસ વાત એ છે કે આ ઓફનો લાભ માત્ર માર્ચ મહિનામાં જ લઈ શકાશે. આ ઓફર બીએસએનએલના પોસ્ટપેડ યૂઝર્સ માટે જ છે. આ ઓફર અંતર્ગત BSNLના પોસ્ટપેડ પ્લાન્સ પર એક વર્ષ માટે 60 ટકા સુધીનું ડિસ્કાઉન્ટ આપવામાં આવી રહ્યું છે. તેના માટે કંપનીએ એક શરત રાખી છે. ઑફર અંતર્ગત નવું સિમકાર્ડ ખરીદનાર ગ્રાહકોને સિમ ફ્રીમાં આપવામાં આવી રહ્યું છે. નવા અને જૂના બંને યૂઝર્સ આ ઑફરનો લાભ ઉઠાવી શકશે.

જો 1525 રૂપિયા વાળા પોસ્ટપેડ પ્લાનની વાત કરીએ તો આ પ્લાન 60 ટકા રેન્ટલ ડિસ્કાઉન્ટ માટે ઉપલબ્ધ છે. આ પ્લાનમાં અનલિમિટેડ વોઇસ કૉલ્સ, એસએમએસ અને ઇન્ટરનેટ ડેટા આપવામાં આવી રહ્યો છે. જો કે આના માટે 12, 6 કે પછી 3 મહિનાનો એડવાન્સ રેન્ટલ વાળો પ્લાન લેવો પડશે. જો 12 મહિનાના એડવાન્સ રેન્ટલ વાળો પ્લાન લેશો તો તમને 60 ટકા ડિસ્કાઉન્ટ આપવામાં આવશે. 6 મહિનાના એડવાન્સ રેન્ટલ પ્લાન પર 45 ટકાનું ડિસ્કાઉન્ટ મળશે અને 3 મહિનાના એડવાન્સ રેન્ટલ પ્લાન પર 30 ટકા ડિસ્કાઉન્ટ આપવામાં આવશે.