BSNLનો આ 'મેગા પ્લાન' Jioને આપશે ટક્કર, જાણો ક્યારથી શરૂ થશે

નવી દિલ્હીઃ જાહેર ક્ષેત્રની ભારત સંચાર નિગમ લિ (BSNL) ૧ જાન્યુઆરી ૨૦૧૭થી સ્પેશિયલ ટેરિફ પ્લાન લોન્ચ કરી રહી છે, જેથી તેના મોબાઇલ ગ્રાહકો જીવનભર કોઈ પણ ટેલિકોમ કંપનીને ફ્રી લોકલ અને નેશનલ વોઇસ કોલ કરી શકશે.

આ પગલાનો હેતુ માર્કેટમાં નવો પ્રવેશ કરનારી રિલાયન્સ જીઓ ઇન્ફોકોમની ફ્રી વોઇસ ઓફર સામે સ્પર્ધા કરવાનો છે. BSNLના ચેરમેન અનુપમ શ્રીવાસ્તવે આ અંગે જણાવ્યું હતું કે, અમે માસિક રૂપિયા ૧૪૯ના પ્લાન પર કામ કરી રહ્યા છીએ, જેનાથી દેશભરમાં અન્ય નેટવર્ક પર અનલિમિટેડ વોઇસ કોલ થઈ શકશે.